Raajat, immussuit qallersuutissallu
Royal Greenlandimi raajanik uutsinerit, Arlameersunik immussuarnik tarnguttakkanik nillorsaanerit Tulipimeersunillu qallersuutissanik kissaanerit nillorsaanerilllu tungavigalugit suliaq ingerlanneqassaaq. Atortut tungaatigut aalaq anorilu sakkortooq atorlugit pitsaasumik nillorsaanerit JBT Foodtechimit ingerlanneqassapput, magneti elektroniskiusoq atorlugu maligaasanik pioreersunik "nutaanillu" kissaanerit DanTechimit ingerlanneqassapput kissaariaatsitoqqamillu ilaqartumik akulikisuasumik isannerlu ohmimik taaguutilik atorlugu kissaanerit BCH Ltd.-mit ingerlanneqassallutik.

Inuussutissalerinermi teknologiit nutaat
Suliffissuaqarfinni inuussutissanik kissaanerit nillorsaanerillu ukiut qulikkuutaani teknologiitoqqat soorlu aalaanerit, seqqartaanerit silaannarmillu silaannalersuinerit atorlugit ingerlanneqartarput. Periaatsit pineqartut piffissamik annertuumik nukinnillu annertuunik atuiffigineqartarput tunisassiallu ilaannikkooriarlutik naammaginanngitsumik allanngorartumillu naammassineqartarlutik. Suliniutip inerneri naammassinnilluarsinnaanissamut, iluanaaruteqarnissamut, nukimmik atuinerup tungaatigut aningaasaqarnermut, pitsaassusiliinermut assigiissaarinissamullu pitsanngorsaanissamut aqqutissiuisuussapput, suliniuteqarnerli aamma nutaanik tunisassianik pilersitsinissamut akuutissianillu atuinissamut pisariaqartitat annikillisinneqarnissaanut aqqutissiuisuussalluni.

Suliniummi suliniutip ingerlanneqarneranut ineriartortitsisoq suliniuteqarnermut immikkoortortameersoq Niels Bøknæs Royal Greenlandip sinniisuutitaraa, imalu oqarpoq: ”Royal Greenlandip suliniummi peqataanermigut suliffeqafiup iluani tamani aalisakkanik qalerualinnillu tunisassioriaatsip ingerlarnganik pitsanngorsaanissaminut teknologiinik nutaanik qaammarsaasinnaanngorpoq. Maanna qalaasseriaasitta pitsanngorsarnissaanut ilusilersornissaanullu atatillugu raajanik uutanik qalipaajakkanillu tunisassiornerup tungaatigut raajanik qalaasseriaaserput suliniummi itinerusumik sammineqassaaq".

Ilisimatusarnermik ingerlatsiviit siunnersuisartullu: Danmarks Tekniske Universitet, University College Dublin, Teknologisk Institut, DMRI.

Suliniut ukiut pingaasut sinnerlugit ingerlaneranni 5,6 mio. kr.-nik aningaasatigut Styrelsen for Forskning og Innovationimit taperserneqartassasoq neriorsuutigineqarpoq.

Suliniut pillugu annerusumik paasisaqarusukkuit Niels Bøknæs (nibk) Suliniuteqarnermut immikkoortortameersoq attaveqarfigiuk.

Asseq

 
 

Royal Greenland aperiguk

i
Write the text from the image