Immikkoortortaq nutaaq marlunnik inuttaqassaaq; Simon Jarding aamma Nicolai Rode Jørgensen marluullutillu ataani atsiortoq ittorissavaat.

Simon aamma Nicolai iliuuseqarnissamut pilersaarummik ineriartortitsinermi annertuumik suliaqaqataasimasut ilagaat. Taamaattumik iliuuseqarnissamut pilersaarutip timitalerneqarnissaanut atatillugu qitusumik inissisimallutik suliaminnik ingerlatitsiinnarnissaat pissusissamisoorpoq. Taamaasilluni immikkoortortap Corporate Business Developmentip qullersaqarfiup pilersaarutai naapertorlugit iliuuseqarnissamut pilersaarutip timitalerneqarnissaa akisussaaffigissavaa.

Immikkoortortani ingerlatsisut - iliuuseqarnissamut pilersaarutinut aggersunut atatillugu suliniutit sukkanerusumik suliarineqarnissaannik kissaateqartut - Simon aamma Nicolai tapersersuisutut ineriartortitseqataasutulluunniit suleqatiserissagaat qullersaqarfiup naatsorsuutigaa. Simon aamma Nicolai taamaasillutik Royal Greenland ”The North Atlantic Champion”-inngornissaanut qularnaarisussamik ineriartortitsilluni sulinermi qitiusumik suliaqartussat ilagissavaat.

Asseq

 
 

Royal Greenland aperiguk

i
Write the text from the image