Royal Greenlandip nunarsuaq tamakkerlugu immikkoortortaani aqutsisutut akisussaaffillit tamangajammik ulluni marlunni juunip 11-aniit 12-ata tungaanut ataatsimeersuassapput.

Ataatsimeersuarnermi Royal Greenlandip suliffeqarfittut killiffia nalilersorneqassaq qulequttallu aqutsineq, aningaasarsiorneq aamma tuniniaaneq qaqinneqassapput, soorluttaaq aamma tunisassiat nutaat ilisaritinneqarnissaat eqqartorneqarumaarluni.

Royal Greenlandimi aqutsisut siorna siullermeerutaasumik naapeqatigiisinneqarput, ukioq mannalu Nuummi naapeqatigiinnerminni suliffeqarfiup Kalaallit Nunaanni ingerlataasa aaqqissuussaanerannik paasisaqarnerulissapput. Tamatumunnga atatillugu Grønlandsbankip pisortaa Martin Kviesgaard avataanit oqalugiartutut Kalaallit Nunaata aningaasaqarniarnera pillugu saqqummiissaaq.

Ataatsimeersuarnerup siunertaasa ilagaat suleqatigiit ataatsimoorussatut tunngaveqartumik paasisaqarlutillu nalilersuilersinnaanissaat, minnerunngitsumillu suleqatinut nunani allani sulisunut qaninnerusumik attaveqalernissaq siunertarineqarpoq. Taamaammallu pilersaarutit ilaattut peqataasussat umiatsiamik angalaaqatigiisinneqassapput aalisakkanillu pisaminnik asimi nereqatigiisinneqassallutik.

Allattoq assiliisorlu: kaha@royalgreenland.com

Asseq

 
 

Royal Greenland aperiguk

i
Write the text from the image