Royal Greenlandip pisiniartartui franskit Picardimeersut Qasigiannguani qaleralinnik tunisassiorfik misissoriartorlugu juunip qaammataani pulaarput. Picardimi sulisut tunisassiorfimmik naammagisimaarinnittorujussuupput taamatuttaaq kusaginerartorujussuullugulu paarilluagaanerarpaat. Qalerallit saaneqanngitsunut tartunanullu atatillugu Picardimi sulisut kissaataat naapertorlugit pulaarnerisa nalaani tunisassiorfimmut atatillugu suliniutinik nutaanik pilersitsisoqarnissaa eqqartorneqarpoq. Kalaallit Nunaata imartaani qalerallit aalisarneqartartut MSC-imik ilisarnaaserneqartalernissaat Picardimi sulisut kissaatigisorujussuuaat.

Picard massakkorpiaq raajanik pisineq ajorpoq. Raajanilli qanoq tunisassiortarnersugut takuniassammassuk Ilulissani raajanik tunisassiorfitsinnut pulaarput.

Picardimi sulisut Kalaallit Nunaanni tunisassiornermi silarluttarnerup, sikusarnerup angallannerullu il.il. tungaatigut unamminartoqartarnera pillugu siumoortumik ilisimatinneqarsimapput. Tamannalumi nammineerlutik misigaat, matumani Ilulissaniit umiatsiarnerminni sikkussaammata, tamannalu pissutigalugu utiinnartariaqarsimapput. Pilersaarutit malillugit umiatsiarnerat akunneq ataatsimik sivisussuseqartussaagaluartoq akunneq sisamaat avillugu sivisussuseqarpoq.

Ilulissanut utimut ingerlaarnerminni allamik misigisaqarput, matumani qipoqqamik takunnillutillu malinnikkamik. Tassa imaappoq, ataatsimut isigalugu pisiniartartutta franskit tikeraarnermini misigisaqangaatsiarput.

Misissuinermi peqataasut ukuupput: Guillaume Goullin aamma Isabelle Kergourlay Picardimeersut, Cécilia Goux aamma David Jeuneu RG Francemeersut, Søren Eschen, Torben Kamp, Lars Hansen kiisalu Qasigiannguani tunisassiorfik sinnerlugu Ole Vestergaard RG-meersoq.

Allattoq: Ulla Skibsted, ulsk@royalgreenland.com
Asseq: RG

Asseq

 
 

Royal Greenland aperiguk

i
Write the text from the image