Ilulissat tunisassiorfianni naqqit iikkallu iluarsarneqarnissaat qangali pilersaarutaareersoq maanna piviusunngortinniarneqalerpoq, taamaammallu raajanik tulaassuineq tunisassiornerlu juulip qaammataani unitsinneqarallartussanngorpoq.

Matusigallarnissaq juulimi pisussatut aalajangiunneqarpoq qaammammi tassani raajat pitsaassusaat ajornerulaartarmat sulisullu ilaat aasaanerani sulinngiffeqartussaammata.

Sulisut 20-t missaanniittut tunisassianik assartuutinik taarsersuinermi nutarterinissamullu tunngasunik allanik suliaqartsinneqassapput. Sulisut 30-t aasaanerani sulinngiffeqassapput sulisullu 30-t angerlartinneqarallassallutik.

Raajanik tunisineq kingulleq pissaaq tallimanngornermi juunip 28-ani tunisassiornerlu kingulleq pissalluni sapaammi juunip 30-ani.

Raajanik tulaassueqqittoqalissaaq sapaammi juulip 28-ani 2013 tunisassiornerlu juulip 29-ani nangeqqinneqassalluni.

Qaleralinnik aalisakkanillu allanik tulaassuineq allanngortinneqassanngilaq.

Annertunerusumik paasisaqarusuttut Hans Lars Olsen mobilnormu 52 26 20-mi pissarsiarisin-naavaat.

Asseq

 
 

Royal Greenland aperiguk

i
Write the text from the image