Pisortaqatigiinni amerliliinitsigut pisortaqatigiit aaqqissuussaanerat ukiup ataatsip kingulliup iluani atuutereersorlu atuuttussanngortivipparput.

Pisortaqatigiit ukuulerput; CEO Mikael Thinghuus, CFO Nils Duus Kinnerup, suliffeqarfissuarmi tuniniaanermi nittarsaassinermilu pisortaq Bruno Olesen aamma suliffeqarfissuarmi tuniniaanermi pisortaq Lars Nielsen.

Larsi Royal Greenlandimi sivisuumik sulisimavoq. Siullermik 1993-imiit 2002-p tungaanut sulivoq, matumani ilaatigut pilersaarusiornermi ingerlatsisutut, Royal Greenland Overseasimi akisussaasutut aamma raajanik tunisassiornermi ingerlatsisutut atorfeqartarsimalluni. Larsi 2006-imi Royal Greenlandimi atorfineqqippoq, matumani siullermik tunisassiornermi pisortatut kingornalu 2007-imi Kalaallit Nunaanni tunisassiornermi pisortatut atorfinilluni. 2008-mi qaffasinnerusumik atorfinitsinneqarpoq, matumani suliffeqarfissuarmi tunisassiornermi pisortatut atorfinitsinneqarami. Royal Greenlandip ukiuni kingullerni tunisassiornermi annertuumik pitsanngorsaanerani Larsi pingaarutilimmik inissisimavoq.

Bruno Royal Greenlandip tuniniaanermi nittarsaassinermilu pisortaatut 2010-mi atorfinippoq. 1987-imiit 2010-p tungaanut assigiinngitsunik atorfeqartarsimavoq, ilaatigut siornatigut Meatcutiusumi, tassa kingorna Danish Primenngortumi maannali Tulipiusumi – Tulip tamakkiisumik tunineqarnera ilutigalugu Tulipimi tuniniaanermi pisortaajunnaarpoq. Royal Greenlandip pisisartunik sullissinerup tuniniaanerullu tungaatigut aallussinerulernissaata anguniarnerani Bruno pingaarutilimmik inissisimavoq.

Pisortaqatigiit amerlineqarnerat akisussaaffeqarfinnut imaluunniit qullersaqarnernulluunniit allanut sunniuteqarnaviannngilaq.

Bruno aamma Lars naleqquttunik atorfinitsinneqarnerannik pilluaqquagut.

Niels De Coninck-Smith                    
Mikael Thinghuus
Siulersuisuni siulittaasoqPisortaaneq

Asseq

 
 

Royal Greenland aperiguk

i
Write the text from the image