- Alup sinerissap qanittuani saarullinnik qaleralinnillu aalisarneq aallartinniarlugu novembarip qaammataani 2012-imi Kujataanukarpoq. Alup kujataani aalisarnerata takutippaa, Kujataani aalisarneq silamit aqunneqartoq. Narsami suliassaqartitsinerup tungaatigut nuannaarutigineqaqisumik Aluk tunitsivimmut Narsamiittumut saarullinnik amerlanngitsunik tunisaqarpoq. Aalisarneq decembarimi unitsinneqarpoq. Kilisaat aalisariutaasoq taamaallaat ulluni marlunni-pingasuni aalisarsinnaasimavoq sapaatillu akunnerata ulluisa sinneranni aalisarsinnaanissaminut silap allaaqqissinissaa utaqqisarsimallugu. Tamanna imminut akilersinnaanngilaq, taamaattumillu Aluk Qeqertarsuatsiaap eqqaani aalisartittussanngortillugu avannamukarnissaa aalajangersimallutigu. Alup saarulliit 5,26 tonsiusut tunitsivimmut Qeqertarsuatsiaaniittumut januaarip qaammataani tulaassorpai, Ole Petersen Royal Greenlandimi kilisaatileriffimmi ingerlatsinermi ingerlatsisoq oqarpoq.

- Massakkorpiarli Alup akselia ajoquteqarnera pissutigalugu ajornartorsiuteqarpugut, akselilu amutsivimmi Nuummiittumi maanna iluarsaanneqarluni suliarineqarpoq. Piffissap qanittup iluani iluarsaanneqarnera naammassineqassasoq neriuutigaarput, iluarsaanneqareeriarpallu Qeqertarsuatsiaap kujataatunginnguani Kangerluarsussuarmi aalisaqqissinnaanngussalluni, Ole Petersen oqarpoq.

Allattoq: Bula Larsen

Asseq

 
 

Royal Greenland aperiguk

i
Write the text from the image