Nick Bæk Heilmann Copenhagen Business Schoolimi BSc International Business and Politics pillugit ilinniagaqartoq Japanimi tuniniaanermut immikkoortortaqarfimmi suliffimmik misiliilluni ukioq manna februaarip sisamaani aallartippoq. Tamatuma siorna ukiup affaani Japanimeereersimavoq Ritsumeikan Asia Pacific University-mi Beppu-miittumi Kangiani aningaasarsiornerup ineriartornera nunarsuullu sinneranut attuumassuteqarnera pillugit ilinniagaqarluni.

- Københavnimi CBS-imi International Busines and Politics ilinniariartillugu Japanimilu Kangiani aningaasaqarniarneq atuassamaartillugu Royal Greenlandip Japanimi immikkoortortaani arlaatigut suliffimmik misiliisinnaanissara misissorpara, ilinniagaqarninnut tulluaqimmat. Aammattaaq Royal Greenlandi Kalaallit Nunaata aningaasaqarneranut pingaaruteqaqimmat japanimullu niuerneq Royal Greenlandimut pingaaruteqaqimmat eqqarsarama misilittagaqarninnut iluaqutaassasoq, Nick Bæk Heilmann oqarpoq.

Nicki siunissami nunani allani Kalaallit Nunaata aningaasaqarneranut aammalu politikkikkut tunngassuteqartunik suliaqarusuppoq, aammalu Kalaallit Nunaata Japanillu aammalumi Kangia ataatsimut isigalugu suleqatigiinnerulernissaat suliniutigerusuppaa.

Allattoq: Káte Hansen, kaha@royalgreenland.com
Asseq: Nammineq pigisaq

Asseq

 
 

Royal Greenland aperiguk

i
Write the text from the image