Misileraalluni siuterorniarneq sineriaap qanittuani Sioqqaat avataani 20-t 80-illu akornanni ititigisumi ingerlanneqarpoq. Misileraalluni siuterorniarneq sumiiffiup taaneqartup eqqaani 200-t 300-llu akornannili ititigisumi ingerlanneqartussaagaluarpoq, sekundimulli 18 meterinik sakkortussusilimmik avannernera pissutaalluni misileraalluni siuterorniarnissamut pilersaarutaareersut piviusunngortinneqanngitsoorput.

- Canadamiut Poul Allan Snook aamma Jason Wesley Matthews misileraalluta siuterorniarnitsinni siuterorniutitut atukkavut pullatit siullertut misissorpaat. Siuteqqunik pisaqarnissatsinnut periarfissavut annertusikkusullugit Canadamiut siunnersuutigisaat naapertorlugu pullatit atukkatta putui millisippavut. Taamatuttaaq Saurit (ammassassuit ilaat) neqitsersuutitut atorneqartarnissaat pingaaruteqartorujussuunerarpaat, taamaattumillu Islandimi ammassassuarnik pisilluta. Sumiiffinni assigiinngitsuni arfiniliusuni siuterorniassaagut, matumani sumiiffiit immikkut tamarmik 32-nik siuterorniutinik pilersussallutigit – tassa siuterorniutitut pullatit atugassavut katillugit 190-iupput. Misileraalluta siuterorniarnitta sapaatip akunnerata ataatsimik sivisussuseqartussap ingerlanerani pisavut nunamut tulaassorlugillu nunami uuttortarumaarpavut. Siunissami siuterorniartoqartalernissaanut tunngavissaqartoqarnersoq kingusinnerusukkut isummerfigineqarumaarpoq, Siiva Amondsen Royal Greenlandimi aalisarnermi siunnersortiusoq misileraallunilu siuterorniarnermi aqutsisuusoq oqarpoq.

Canadamiut ukiumut 6.000 tonsinik siuteqqunik pisaqartarput. 

Pullatit qassutitaani putut millisarneqarput. Assiliisoq: Siiva Amondsen.

Allattoq: Bula Larsen, bula@royalgreenland.com 

 

Asseq

 
 

Royal Greenland aperiguk

i
Write the text from the image