Isumaqatigiissusiornerup siunertaraa, suliffeqarneq suliffissaqartitsinerlu pillugit illuatungeriit tamarmik immikkut ilisimasatik paasisimasaqarfigisatillu iluaqutigilluarlugit ingerlatseqatigiiffiup Royal Greenlandip suliffeqarfiini piukkunnaatilinnik sulisoqarnissaanut qulakkeerinninnissaq anguniarlugu suleqatigiinnissaminnut pisussaaqatigiissasut.

Sulisussarsiornerit saniatigut peqqissarnernut, praktikkertitsinernut, inuussutissarsiutinik ilisarisitsinernut, sulisorisanik attassiinnaarnernut, suliat tungaatigut nikerarsinnaanernut il.il. tunngasutigut illuatungeriit suleqatigiinnissartik kissaatigigaat isumaqatigiissummi taaneqarportaaq.

Borgmesteri sapaatip akunnera manna Paamiuniippoq, matumani tunisassiorfik pulaariartorlugulu innuttaasunik ataatsimiisitsinermi Royal Greenlandimik suleqateqalerneq annerusumik ilisimatitsissuteqarfigiartorlugu.

Kommuneqarfik Sermersuup tusagassiuutitigut nalunaarutaa aaguk uani.

Kommuneqarfik Sermersuumi borgmesteri Asii ima oqarpoq:” Suliffeqarfiit kommunellu akornanni suleqatigiittoqarsinnaaneranut aqqutissanik nutaarluinnarnik peqartoq Royal Greenland peqatigalugu suleqatigiinnissamut isumaqatigiissusiatta takutippaa. Suliffeqarfiup Royal Greenlandip piukkunnaatilinnik sulisoqarnissaa pisussaaffeqatigiilluta suleqatigiinneq aqqutigalugu qulakkiiginnarnagu inuusuttulli suliffissarsiortullu suliffeqarfeqarnernut uteqqinnissaminnut ikiorneqarnissamik pisariaqartitsisut eqqarsaatigalugit suliniutaasinnaasunik isumaliuteqassasugut isumaqatigiissutigaarputtaaq. “

Royal Greenland peqatigalugu suleqatigiinnissamut isumaqatigiissusiornerput Kommuneqarfik Sermersuup oqaluttuarisaanerani aatsaat taama ittumik isumaqatigiissusiortoqarpoq. Taamaakkaluartoq borgmesterip neriuutigaa, suleqatigeeriaaseq nutaaq atuutilersoq suliffeqarfinnut allanut aamma siaruaakkumaartoq.

Paasissutissat amerlanerusut uannga pissarsiarineqarsinnaapput: Borgmester Asii Chemnitz Narup

Asseq

 
 

Royal Greenland aperiguk

i
Write the text from the image