Narsami tunisassiorfimmi sulisut eqqiluisaarneq sullivimmilu isumannaallisaaneq qanoq pingaaruteqartigisut pillugit Niels Sakariassen, Naja Hansen, Josef Kaas Mortensen aamma Lars Godtfredsen 7. November 2013 pikkorissarput.

Eqqiaanermik pikkorissarnermi sammineqarput eqqiluisaarneq, akoorutissat passunnissaallu, tunillannartuiaaneq sunniunneralu, bakteriat /listeriat aamma sullivimmi isumannaalisaaneq.

Eugen Pfanner siusinnerusukkut Kangaatsiami Avannaani nunaqarfinni tunitsivinni sulisut eqqiluisaarneq pillugu pikkorissarpai, aammalu Uummannaq tullinnguullugu pikkorissaavigiartussallugu.

Eqqiluisaarneq, akoorutissat isumannaallisaanerlu
Eqqiluisaarneq: Ulluinnarni pitsaasumik eqqiluisaartarnissaq pingaaruteqarpoq (eqqiaaneq), eqqiaasanngikkaanni qanoq kinguneqarsinnaava.

Akoorutissat passunnerilu: Akoorutissat eqqortumik atornissaat pingaaruteqarpoq, qanorlu sivisutigisumik sunniuteqarsinnaappat, ajortumillu atoraanni susoqarsinnaava.

Tunillannartuiaaneq, qanorlu sivisutigisumik sunniuteqartarnersoq: Sooq eqqiaaneq tunillannartuiaanerlu tamatigut immikkut suliarineqassappat, aammalu susoqarsinnaava pitsaasumik tunillannartuiaasoqanngippat.

Bakteriat/listeriat: Eqqiaasoqanngikkaangat tunilllannartuiaasoqaranilu taava qanoq sukkatigisumik bakterissat amerliartortigisinnaappat, aammalu listeriaqalersillugu qanoq iliortoqarsinnaava.

Sullivimmi isumannaallisaaneq: Sulisut qanoq imminnut illersorsinnaappat akoorutissat atorlugit sulinerminni, soorlu kiinnamut assiaqutit/ isarussat atorneri, aaqqatit/kamippaat eqqortut assaat isikkallu illersorniarlugit toqqagassat, aammattaaq tunillannartuiaanermi timip pisatai ilorliit illersorniarlugit kiinappammik atuisarneq.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image