Tunisassiat Foodservice Danmarkimit sapaatip akunnerani 44-mi kingusinnerusumilu Sverigemi aamma Tuluit Nunaanni saqqummersinneqassapput.

Sisamanngormat 24. oktober 2013-imi GRØNLANDSKE GOURMETREJER-inik siullerpaamik tunisassiortoqarpoq, taakkunanngalu tunisassiortalerneq Atlantikup Avannaata imartaaneersunik tunisassiortarnitsinnik ataatsimoorluta ukkassinerulernitsinnut attuumassuteqarpoq.

Suliuniuteqarnermi raajat Kalaallit Nunaata imartaaneersut tunngusunnialaarnerat qaffasissumillu pitsaassuseqarnerat qitiutinneqarnissaat anguniagaavoq. Suliniut ukioq ataaseq sinnerlugu ingerlanneqarpoq, naleqqulluinnartunillu tunisassiassanik tunisassioriaatsimillu naleqqulluinnartumik toqqaaniarnerit unammillernartoqarsimapput.

Tunisassiornermik ineriartortitsisoq Pia Nielsen seernartulikkanillu tunisassiornermik ineriartortitsisuusoq oqarpoq: "Raajanik seernartulikkanik seernarpianngitsunik kisiannili raajat mamassusiviattulli mamassusilinnik kisianni aamma sivisuumik ajortunngujaassuseqartiinnarlugit tunisassiorsinnaanissarput anguniarsimavarput". 

Tunisassiat Danmarkimi saqqummersinneqarmata atuisussat qisuariaateqarluarput, tunisassiallu nutaat GRØNLANDSKE GOURMETREJER-it Sverigemi niuernerup silarsuaanit tigulluarneqassasut Skandinavien Nordimi Tuniniaanermi pisortap Pär Kadziolkap ilimagisupilussuuaa; "Raajanik nutaanik qalipaajakkanik tunisassiortartut nioqquteqalereersullu maanna unammillersinnaanngorpavut. Raajat assammik qalipaajakkat akii qaffariarpata tunisassiatsinnik nutaanik amerlanerusunik tunisaqaratarsinnanngussaagut, kikkummi tamarmik nioqqutissanik pitsassuarnik naleqquttumik akilinnik piserusuttarput ". Tamannalu Royal Greenlandip suliffeqarfissuartut inissisimaneranut nukittorsaataassasoq Sverigemilu niuernerup silarsuaanit pisisartunik nutaanik nassaarnissi Kadziolkap ilimagivaa.

GRØNLANDSKE GOURMETREJER-iutivut niuernerup silarsuaanut saqqummersinnissai qilanaaraarput.

Allattoq: Ulla Skibsted

Asseq

 
 

Royal Greenland aperiguk

i
Write the text from the image