Olina Themothæussen, Martin Olsen aamma Ludvig Olsen, Kangaatsiaq, Judithe J. Wille aamma Anthon Lundblad, Niaqornaarsuk kiisalu Lars Karlsen, Ikerasaarsuk, pikkorissartinneqarput pitsaassusilerinermi ataqatigiissaarisumit Maria Berthelsen Winsløw aamma eqqiaanermi siunnersortimit Eugen Pfanner, tamarmik Royal Greenlandimeersut.

Eqqiaanermik pikkorissarnermi sammineqarput eqqiluisaarneq, akoorutissat passunnissaallu, tunillannartuiaaneq sunniunneralu, bakteriat /listeriat aamma sullivimmi isumannaalisaaneq.

- Sullivimmi isumannaallisaaneq pingaaruteqarpoq, sulisummi imminnut paarisussaapput soorlu akoorutissalerinermi kiinnamut assiaqummik isaruanilluunniit assiaquserlutik, assaat isikkallu illersorniarlugit aaqqatit/ kamippaat eqqortut toqqarnerisigut, aamma tunillannartuiaanermi kiinarpaqartariaqarput timimik atortui illersorniarlugit, oqaluttuarpoq Eugen Pfanner.

- HACCP, Hazard Analysis Critical Control Point nutserneqarsinnaasoq arlaanik ajutooratartoqarsinnaaneranik misissuineq, tassaavoq tunisassiorfiup imminut nakkutigininnittussaatitaanera, pisisartutta tunisassiaatitsinnik napparsimalissuteqalinnginnissaanik inuussutissanik isumannaallisaanermik nakkutiginninnerusoq, oqarpoq Maria Berthelsen Winsløw.

- Immitsinnut nakkutigissasugut inatsisikkut piumasaqaataavoq, aammalu taamaattarluta uppernarsarsinnaasariaqarparput. Kingorna uumasut ajoqutaasut pillugit HACCP-ilerisut pikkorissartinneqarput, taamaalillutik tunisassiorfinni uumasut ajoqutaasut pillugit nakkutiginnissinnaaqqullugit, oqarpoq Maria Berthelsen Winsløw, pineqartuni marlunni pikkorissartitsisoq.

Fødevarestyrelseni aammattaaq tikittarpoq tunitsiviit tunisassiorfiillu ulluinnarni imminnut nakkutiginersut nakkutigiartorlugu.

Tunisassiorfinni HACCP-ilerisut tassaakkajuttarput tunisassiorfimmi ingerlatsisoq, pitsaassusilerinermi aqutsisoq, tunisassiornermi ingerlatsisoq, teknikeqarnermi ingerlatsioq, tulaassuinermi aqutsisoq qerititsivimmilu aqutsisoq. Ukiut tamaasa uppernarsakkanik ikinnerpaamik sisamariarlutik ataatsimiittarput. Uani nunaqarfiit pingasut ataatsimoortinneqarput.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image