Royal Greenlandimi sulisut tallimat ataasinngorpat oktobarip 21-ani Qeqertarsuatsiaanut tikeraassapput, matumani innuttaasunik ataatsimiisitsineq siulleq ingerlanneqassalluni. Aqaguani marlunngornermi oktobarip 22-ani Paamiuni sisamanngornermilu oktobarip 24-ani Maniitsumi innuttaasunik ataatsimiisitsisoqassaaq. Ataatsimiisitsinerit unnukkut nal 19-imiit ingerlanneqartarumaarput.

Nunaqarfiup illoqarfiillu marluk katersortarfianni Royal Greenlandimi sulisut saqqummiussisassapput. Ukiuni pingasuni kingullerni suliffeqarfiup aningaasaqarnera pillugu pisortaaneq Mikael Thinghuus saqqummiussissaaq, Suliffeqarfissuarmi Tunisassiornermi pisortaq Lars Nielsen aalisagaqassutsip aalisakkallu akiisa ineriartornerat pillugit saqqummiussissaaq kiisalu Attaveqatigiinnermi Ingerlatsisoq Káte Hansen suliffeqarfissuup nunarsuarmut tamarmut siaruarsimasuunera pillugu oqaluttuassalluni.

Kingornatigut innuttaasut suliffeqarfimmut attuumassutilinnik apeqquteqarsinnaassapput, matumanilu pisortaq Jens K. Lyberth aamma Sulisoqarnermi Pikkorissaanermilu Ingerlatsisoq Søren Olsen Damgaard innuttaasunik oqaloqateqarnermi oqaaseqartartuussapput.

Royal Greenlandip Kalaallit Nunaanni Royal Greenlandimi sulisunik innuttaasunillu ammanerusumik attaveqateqarnissamut siunertaqarneranut atatillugu innuttaasunik ataatsimiisitsinissat aaqqissuunneqarlutillu piviusunngortinneqartussanngorput. Innuttaasunik ataatsimiisitsinerit illoqarfinni nunaqarfinnilu suliffeqarfiup tunisassiorfiuteqarfianni ingerlanneqartassapput.

Asseq

 
 

Royal Greenland aperiguk

i
Write the text from the image