Avalak Aarhus, kalaallit Danmarkimi ilinniagaqartut kattuffiata Avalak-p ataani peqatigiiffiuvoq. Ilinniartut Avalak-mut ilaasortaanerminnut akiliutigisartagaat 2013-ip tungaanut kalaallit ilinniagaqarnersiutaannit peerneqareertarpoq. Maannali ilinniartut namminneq ilaasortaanermut akiliut akilertalerpaat, taamaattoqarneranilu peqatigiiffik arlalissuit ilaasortaajunnaarfigisimavaat.

- Peqatigiiffik neriuppoq ilaasortassanik nutaanik pilerisitsilersinnaalluni påskemi bankortitsinermini. Tapiissutit eqqugassaassapput, Daisy J. Iversen, Avalak Aarhusimi siulersuisuni ilaasortaq oqarpoq.

- Påskemi bankortitsinerput siunnerusukkut inuppaalunnik ussagutsitsisareerpoq, ingammik ilinniartut nererusuttagaannik mamartunik eqqugassaqartarami.

Maannali Royal Greenlandimit aamma taperneqarnitsinni ilimagaarput suli amerlanerit takkukkumaartut, taamatullu påskemi bankortitsinitsinni isertitagut amerlanerujumaarput.

- Ilinniartut Royal Greenlandip tunisassiaatai pitsaalluinnartutut isigaat, taamaattumik eqqussallugit kajungerineqaqaat. Ilinniartut tamarmik nerisassanik Kalaallit Nunaanneersunik ussiinissaminnik periarfissaqartariaqarput – taperneqarnerpullu qujamasuutigeqaarput, Daisy naggasiivoq.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image