Kinamiut tv-qarfissuat, China Central Television, CCTVm Kalaallit Nunaanni piviusulersaarutinik aallakaatitassiorniarluni angalaartoq aamma Royal Greenlandimik soqutiginnilersimavoq.

CCTV Royal Greenland pillugu immikkut piviusulersaarusiorniarpoq, nassuianerattuut suliffeqarfissuaq nunarsuarmi tamarmi ilisimaneqarlualersimavoq tunisassiaalu nunarsuaq tamakkerlugu alutorineqalersimallutik, aammattaaq Kinami.

TV-qarfimmeersut Royal Greenlandip sinerissap qanittorsiorluni raajarniutaanut Lomurimut ilaallutik umiarsuarmi tunisassiorneq malinnaavigisimavaat. Angalaqatigiit aamma Ilulissani raajaleriffimmi immiussisimapput, raajaleriffillu taanna Royal Greenlandip raajaleriffiutaasa marluusut nunarsuarmi pisortatigoortuunngikkaluamik raajanik tunisassiorluarnerpaajusut aapparaa, kiisalu suliffeqarfissuup pisortaanera Mikael Thinghuus apersorneqarpoq.

CCTV Kinami tv-qarfissuit anginersarisaat perngaammik issittumiippoq aallakaatitassianillu qulingiluanik Kinamiunut isiginnaagassiorniarpoq. Issittumilu aalisarnerup paasisaqarfigineqarluarnissaa anguiarlugu Royal Greenland piviusulersaarusiami ilaaniarluni akuersisimavoq.

Allattoq: Káte Hansen, kaha@royalgreenland.com

Asseq

 
 

Royal Greenland aperiguk

i
Write the text from the image