Nunatsinni tunisassiat akikilleqarnissaat maajip aallaqqaataani atuutilissapput Kalaallit Nunaannilu tamarmi atuutissallutik.

- Siorna akitigut appaasimanivut pisisartunit ilassilluarneqaqaat, iluatsitsisimanerpullu nangeqqinniarlugu Kalaallit Nunaanni tunisassiavut tamaasa 10 %-inik akitigut maajip aallaqqaataani appaaviginiarpagut, suliffeqarfissuarmi tunisassiornermut pisortaq Lars Nielsen oqarpoq.

Akitigut appaanernut atatillugu takoqqusaarutit aallartinneqassapput, taakkuuppullu TV-kkut ussassaarutit 30 sekundinik sivisussusillit kalaallisut qallunaatullu oqaasertallit KNR TV-kkut takutinneqartussat. Tamatuma saniatigut Royal Greenland Anne Sofie Hardenbergimik suleqateqarluni quppersagaliamik iganermik ilitsersuutinik imalimmik saqqummersitsissaaq. Ilitsersuusiat aalisakkanik qalerualinnillu nunatsinni pisarineqarlutillu tunisassiarineqarsimasunit aallaaveqartuupput.

Quppersagaliaq iganermut ilitsersuutinik nutaanik arfineq pingasunik nutaanngitsunillu arfinilinnik imaqartoq illoqarfinni anginerusuni 14-ini nunaqarfinnilu arfinilinni maajimi juunimilu illunut agguaanneqassaaq. Ilitsersuusiat nutaat arfineq pingasut aamma Royal Greenlandip nunatsinni nittartagaanit www.royalgreenland.gl -imit aaneqarsinnaassapput.

Allattoq: Káte Hansen, kaha@royalgreenland.com

Asseq: RG nittarsaassivik

Asseq

 
 

Royal Greenland aperiguk

i
Write the text from the image