Royal Greenlandimi atorfillit tallimat innuttaasunik ataatsimiisitsisarnitik nangillugit apriilip naaleraniit maajip aallartilaarnerata tungaanut ingerlattussanngorpaat.

Sisimiuni nunaqarfinnilu Itillimi aamma Sarfannguani innuttaasunik ataatsimiisitsinissat tulleriisiinnarlugit ingerlanneqassapput. Itillimi innuttaasunik ataatsimiisitsineq pissaaq marlunngornermi apriilip 29-ani, Sisimiuni pingasunngornermi apriilip 30-ani kiisalu Sarfannguami sisamanngornermi maajip 1-ani. Ataatsimiisitsinissat tamarmik najukkani katersortarfinni pisussat nal. 19.00 aallartittassapput.

Innuttaasunik ataatsimiisitsinerit Royal Greenlandip suliffeqarfittut sulisut innuttaasullu tungaannut ammanerusumik periuseqalernissaanik suliniuteqarnermut atatillugu aallartinneqarput.

Ataatsimiisitsinerit aallarnerlugit Royal Greenlandimit pingasunik saqqummiisoqartarpoq. Tamatuma kingorna innuttaasut apeqquteqarnissaminnut periarfissinneqartarput Royal Greenlandimeersunit akiortorneqartartunik, taakkuuppullu pisortaaneq Mikael Thinghuus, suliffeqarfissuarmi tunisassiornermut pisortaq Lars Nielsen, pisortaq Jens K. Lyberth, Sulisoqarnermi Pikkorissaasarnermilu Ingerlatsisoq Søren Olsen Damgaard kiisalu Attaveqatigiinnermi Ingerlatsisoq Káte Hansen.

Royal Greenland Qeqertarsuatsiaani, Paamiuni aamma Maniitsumi innuttaasunik siorna ataatsimiisitsivoq ornigarneqarluartunik.

Allattoq: Káte Hansen, kaha@royalgreenland.com

Asseq: John David Eriksen, jder@royalgreenland.com

Asseq

 
 

Royal Greenland aperiguk

i
Write the text from the image