Søren Olsen Damgaardip qaffatsinneqarnera taamalu suliffeqarfissuarmi sulisoqarnermut ingerlatsisutut atorfiup Kalaallit Nunaannut nuunneqarnera Royal Greenlandip Atlantikup Avannaanut pilersaarusiaata malitsigaa.

Wilhemshavenimi tunisassiorfiup tunineqareerneragut Royal Greenlandip sulisuisa amerlanersaat Kalaallit Nunaanni najugaqarput, taamaammallu Royal Greenlandimi aalajangerneqarpoq suliffeqarfissuup sulisoqarnermut ingerlatsinera Kalaallit Nunaanni inissisimalissasoq.

Søren Olsen Damgaard maanna atorfigisamini 2013-imi januaarip 1-ani atorfinittoq sulisoqarnermut tunngasunik ukiut qulit sinnerlugit suliaqarsimavoq. Suliffeqarfissuarmi sulisoqarnermut ingerlatsisunngornermini suliffeqarfissuup tamarmiusup sulisoqarnermut maleruagassaanik atuutsitsilernissaq akisussaaffigissavaa.

Suulup Torben Reimer kingoraassavaa, kingoraagaalu suliffimmi Kalaallit Nunaannut nuunneqarneragut nooqataarusussimanngilaq. Torben atorfimminit 2014-imi septembarip 30-ani tunuarnissami tungaanut Søren sulianik nussuinissaanik ikiussavaa.

Suliffeqarfissuarmi sulisoqarnermut akisussaaffik pisortap Jens K. Lyberthip 2014-imi juunip 1-ani akisussaaffigilissavaa, taamalu suliffeqarfissuarmi sulisoqarnermut ingerlatsisoq akisussaaffigilissallugu.

Asseq

 
 

Royal Greenland aperiguk

i
Write the text from the image