- Nuannaarutigaarput Naalakkersuisoq pularnissatsinnut piffissaqarmat. Neriuutigaarput pulaarnera siunissami suleqatigiilluarnissatsinnut tungavissiuusseqataasinnaasoq, Jens K. Lyberth oqarpoq.

Karl–Kristian Krusep pulaarnermini ilaatigut suliffeqarfissuup 2013-imi 2014-imilu aningaasaqarnera pillugu saqqummiussivigineqarpoq taamatuttaaq Royal Greenlandip SIK-mik aammalu KNAPK-mik suleqateqarnera pillugu saqqummiussivigineqarluni. Taamatuttaaq Royal Greenlandip atuunnermini oqaluttuassartaa pillugu Naalakkersuisoq oqaluttuunneqarpoq.

- Soorunami aamma aalisarneq pillugu oqaloqatigiippugut. Aamma aalisarnerup, tunisassiornerup aammalumi avammut tuniniaanerup imminnut ataqatigiilluinnarnerat oqaloqatigiissutigaarput. Aalisartut, sulisartut taakkulu tunisassiaasa tuniniarneqartarnerinut tunngasut imminnut ataqatigiilluinnartuunerisa ersarissarnissaat pingaaruteqarsorigakku aamma eqqartorpavuttaaq, Jens K. Lyberth oqarpoq.

Karl-Kristian Kruse ataatsimeeqatigineqareermat Royal Greenlandip allaffissuani takornariartinneqarpoq sulisunullu ilassiortinneqarluni.

Allattoq: ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image