- Umiarsuaateqarfimmut aningaasanik taama amerlatigisunik isertitaqarsinnaagatta soorunami tulluusimaarutigaarput, Jógvan Tróndarson Akamalimmi naalagaasoq oqarpoq.

- Aningaasarpassuarnik isertitaqarfiusumik taama annertutigisunik raajarsinnaanitsinnut pissutaasut arlaliupput. Siullermik Avannaata Kitaata imartaani siornatigut raajarniarluni kilisaffiuneq ajortuni raajaqaqisunilu kilisappugut, taakkunanilu raajat angipput. Raajalli akii aamma pitsaalluinnarput. Kisianni pitsassuarnik pikkorissorsuarnillu inuttaqarpugut, kilisaatip naalagaa tulluusimaaqisoq oqarpoq.

Akamalik tunisassiassanik sineriammi tunisassiorfinnut pilersuisuusoq raajanik qaqerlaatut uutanik nunarsuup sinneranut kiisalu raajanik ooqanngitsunik Japanimut aamma tunisisarpoq. Akamalik 24-t 26-illu akornanni amerlassusilinnik inuttaqartartoq Qaanaap eqqaata imartaani raajarniarfinni nutaani uppernaarli raajarniarluni kilisalerpoq.

Akamalik Royal Greenlandimut aningaasarpassuarnik aatsaat isertitsilinngilaq.

- Ukiut 16-it matuma siorna Royal Greenlandip kilisaataataani siullersaalluta 100 million koruunit nalingannik raajarpugut. Akamalik taamani Kaassassummik ateqarpoq, taamanili inuttat suli maannamut inuttaapput. Pikkorissorsuarnik tatiginarluinnartunillu inuttaqarpugut. Matumanilu pisaqarluarnitsinnut isertitaqarluartitsinitsinnullu soorunami aamma pissutaaqataalluarput. Aappaagu 300 million koruuninik isertitaqartitsiniarsariumaarpugut, Jógvan Tróndarson nuannaaqisoq naggasiivoq.

Royal Greenlandip kilisaataatai tallimaasut 8-900 million koruunit missaat 2014-imi isertippaat.

Asseq

 
 

Royal Greenland aperiguk

i
Write the text from the image