Meeqqat pisinnaatitaaffii pillugit sullissiviup MIO-p aamma Royal Greenlandip suleqatigiinnertik allarnisareerpaat Royal Greenlandimi sulisoqarnermi siunnersorti Esther Arens meeqqat pisinnaatitaaffiinik sulisunut ilaqutaanullu oqariartuummik apuussisinnaanissaa siunertaralugu MIO-p ilitsersulereermagu.

Royal Greenlandip pingaartitaaraa sulisorisami inuttut ineriartortuarnissaat, tassungalu atasumik suliassaq ingerlanneqassaaq, meeqqallu pisinnaatitaaffiinik ilinniartitsineq ilaatigut Royal Greenland Academykkut aamma Royal Kidsinut ingerlanneqassaaq.

Meeqqat Illersuisuata Aaja Chemnitz Larsenip suleqatigiinnissaq nuannaarutigaa, ”Royal Greenlandimik suleqateqalernerput innuttaasut ilaasa amerlasuut akornanni meeqqat pisinnaatitaaffiinik suli ilisimasaqarnerulernermik kinguneqarumaarpoq. Suleqatigiinneq suliffeqarfiit inuiaqatigiinni akisussaaffeqartumik suliaqartarnerannut takussutissatsialaavoq, tassalu minnerunngitsumik inuiaqatigiit, meeqqat suliffeqarfimmilu sulisuusut iluaqutissarivaat.”

Nangipporlu ”Takusinnaavara suli meeqqat pisinnaatitaaffeqarnerannik oqariartuummik siaruarterisariaqartugut. Suleqatigiinnitsinni angajoqqaat akisussaasuunerata nukittorsarnissaa akuersaarpalaarluta pimoorutissavarput. Isumaqarluinnarpunga angajoqqaarpassuit sapinngisartik tamaat atorlugu meeqqamik toqqissisimasumik meeraanissaat qulakkeerusuttarmassuk.”

Suleqatigiinnissamik isumaqatigiissut ukiut marluk atuutissaaq, MIO-lu taamatut periarfissaqalissaaq Royal Greenlandimi sineriammi, ingammik nunaqarfinni sulisut meeqqat pisinnaatitaaffiinik eqqartueqatiginissaannik.

“Angajoqqaannit illersorneqarlutillu isumassorneqarnissat pisinnaatitaaffigaat”  Meeeqqat pisinnaatitaaffiisa ilaat.

Attavissat Sulisoqarnermi siunnersorti Esther Arens, oq. 361340
e-mail esar@royalgreenland.com
Meeqqat Illersuisuat Aaja Chemnitz Larsen, oq. 346944
e-mail aaja@mio.gl

Asseq

 
 

Royal Greenland aperiguk

i
Write the text from the image