Professori Paw Dalgaard aamma misissuisuuneq Ole Mejlholm DTU Fødevareinstituttet-nimeersoq peqatigalugit Royal Greenland ukiuni pngasuni ilisimatusaatigalugu suliaqarnissamut Danmarkimi GUDP-mit (Grønt Udviklings- og Demonstrationsprogramimit) 5 mio. kr.-nik aningaasaliissuteqarfigineqarput, suliarlu nerisaqarnermut siunnersuusiamut nutaamut tassa aalisagartornerunissamut tarajulinnillu annikinnerusumik nerinissamut siunnersuutilimmik imalimmut naapertuuppoq. Matuminnga suliaqarnerup tunisassianik tarajukinnerusunik ineriartortitsinermik ilaatigullu tunisassiat bakteriaqalersinnaassusaannut siulittuuteqarnissamut naatsorsueriaatsinik najoqqutarineqarsinnaasunik pilersitsinermik kinguneqassaaq, matumanilu inuussutissalerinermi isumannaallisaanerup qaffasittuujuarnissaa qulakkeerneqassalluni.

Niels Bøknæs suliniutinik ingerlatsisut immikkoortortaqarfianeersoq Royal Greenlandilu sinnerlugu ilisimatusaatigalugu suliaqarnermi peqataasoq oqarpoq:

- Aalisakkanik asiunaveersaaserneqarpianngitsunik soorlu nipisaat suaannik, raajanik seernartulikkanik, kapisilinnik qaleralinnillu pujuukkanik tunisassioraangatta bakteriaqaleqqunagit taratsunik asiunaveersaasertarpavut. Taamaattumik DTU Fødevareinstituttet suleqatigalugu Royal Greenlandip tunisassiarisartagaasa tarajoqassusaat appartinniarnerannut ilisimasariaqakkat tunisassiarinerinilu sakkussat ineriatortinniarpavut.

- Niuerfinni niuerutigineqartartunut tassa aalisakkanik tunisassianut asiunaveersaateqarpiunngitsunut pioreersunut sanilliullugit tunisassiat nutaat 50% angullugu tarajukinnerusut ineriartortinnissaat siunertaavoq. Tunisassiat tarajukinnerusut peqqissutsimut iluaqutaassapput, Jan Soinjokillu Tunisassianik ineriartortitsinermi ingerlatsisup oqarnera naapertorlugu mamassusaat nerpigissusaallu eqqarsaatigalugit tunisassiat pitsaanerulissapput. Tassa ataatsimut isigalugu atuisunut iluaqutaasussanik tunisassiat asiunaveersaasersorneqarpianngingajavissut pilersinneqassapput kiisalu asiunaveersaateqarpianngitsunik nerisaqaqqilernissamut sunniuteqaqataassallutik.

- Aalisakkanik tunisassiornerup tungaatigut ineriartortitsineq piuminarpoq, taamaattumillu ippassartulli iliukulasarpugut. Taamaakkaluartoq siuarsimanerusariaqarpugut, taamaattumik suliniummi ilisimatusaatigalugu aalisakkanik tunisassiornermik imaqartumi peqataanerput siunissamullu pilersaarusiornerput nuannaarutigeqaarput, Niels Bøknes oqarpoq nangillunilu:

- Iluatsissappat nunani allani niuerfinni inississimanerput nukittunerulissaaq. Tunisassiat pitsavissuit nutaat asiunaveersaateqanngingajavissut suliareqqitaarpianngitsullu nalingi qaffasinnerussapput akilu qaffasinnerusoq naapertorlugu tunineqarsinnaassallutik.

Ilisimatusaatigalugu suliaq pillugu annerusumik paasisaqarusukkuit Niels Bøknæsip attaviginissaanut tikilluaqqusaakutsoorputit.

Allattoq: Ulla Skibsted

Asseq

 
 

Royal Greenland aperiguk

i
Write the text from the image