Nuka Kleemann, Kalaallit Nunaanni Timersortartut Kattuffiata siulittaasua, aamma Malik Hegelund Olsen, Royal Greenlandimi pisortap tullersortaa, tapiinermut isumaqatigiissummik tallimanngorneq 31. januar 2014 atsioqatigiipput.

- Nuannaarutigaarput Kalaallit Nunaanni meeqqat inuusuttullu timersornissamut periarfissinnissaat suli peqataaffigisinnaagatsigu. Taamaattumillu Kalaallit Nunaanni Timersortartut Kattuffiannut aningaasanik tapiinermik isumaqatigiissummik atsioqatigeqqissinnaagatsigit nuannaarutigaarputtaaq. Qularutiginngilluinnarparput Kalaallit Nunaanni Timersortartut Kattuffiata suliaq ukiuni kingullerni ingerlassimasaata pitsaasumik kinguneqarumaarnissaa. Uagullu Kalaallit Nunaanni Timersortartut Kattuffiata naleqartitai aamma isumaqatigilluinnarpagut tassaasut: Angusat peqqinnermik naleqartitat ataqatigiilluarnikkut, Malik Hegelund Olsen oqarpoq.

Nuka Kleemann tapiiffigineqaqqinneq pillugu oqarpoq: Kalaallit Nunaanni Timersortatut Kattuffiannit Kalaallit Nunaanni timersornerup ingerlaavartumik tapersersorneqarnera nuannaarutigeqaarput.

- Meeqqat inuusuttullu timersortarnerannut atatillugu ingerlaavartumik ineriartuinissatsinnut pingaaruteqarluinnartoq tassaavoq aamma suliffeqarfissuup taamak angitigisup Royal Greenlandip takusinnaammagu timersorneq tassaasoq peqqissumik inuunermik ingerlatsinerusoq.

- Royal Greenlandip soorlu erseqqissaaffigigaa anguniakkagut pitsaasut ´Angusat peqqinnermik naleqartitat ataqatigiilluarnikkut´ ingerlateqqissavagut, Nuka Kleemann naggasiivoq.

Allattoq: Bula Larsen, bula@royalgreenland.com

Asseq

 
 

Royal Greenland aperiguk

i
Write the text from the image