Aalisartup Edvard Petrussenip nataarnartapatarnarsua 108 kg-nik oqimaatsigisoq Royal Greenlandip Sisimiuni tulaassuisartuini alutorsaatigineqangaatsiarsimavoq, taamatummi angitigisut takornartaasimapput. Pisaqartuatali qassiiliutigingaanngilaa.

- Nataarnamik taama angitigisumik aatsaat pisaqalinngilanga. Siornatigummi taama angitigisut sisamat ataatsikkut Kangerlussuup paavani pisarinikuuakka. Taamaammat taama angitigisumik pisaqarneq takornatarinngilara, Edvard Petrussen oqarpoq.

Edvardip pisani kalaalimineerniarfimmi tuniniarusussimagaluarpaa, sapaatip akunneratali naanerani pisaammat nutaanerani Royal Greenlandimut tunipallaannarniarlugu aalajangersimavoq. Aalisagaq saarulliit karsit aqqaneq marluk naleqataannut tunisimavaa, Edvardillu iluarisimaarpaa.

Nataarnaq assimi missiliorlugu meeterinik marlussunnik angissuseqarpoq. Angigaluaqisoq amoorniarnera Edvardimut ajornartorsiutaasimanngilaq.

- Oqimaannerusunik pisaqaraangama sipilera ikiorsiuttarakku amuarniarnera ajornartorsiutaasimanngilaq. Qarsorsaajangajappungali nataarnaq aallariataaraluarmat, Edvard Pettussen oqaluttuarpoq.

Internetsimi paasissutissat naapertorlugit nataarnaq aalisakkani natermiuni anginersaavoq, meeterit marluk angullugit angissuseqalersinnaalluni, 300 kg-t angullugit oqimaatsigilersinnaalluni aammalu ukiut 60-it angullugit utoqqaatigilersinnaalluni.

Allattoq: Káte Hansen, kaha@royalgreenland.com

Asseq: RG

Asseq

 
 

Royal Greenland aperiguk

i
Write the text from the image