Ammassaat tunisassiorfimmut tulaassorneqalerput ataasinngormat 16. juni, maannalu tonsit marluk missaat tunisassiarineqareerput.

- Ammassaat angisuut pitsaasullu Qeqertarsuarmut tikittarput. Silaannaarlugit poortorpagut qerititerlugillu. Aalisakkerivitsinni ammassalerisut holdit marluk tamarmik pingasunik inuttallit paarlaattaarput, ullukkoortarlutik unnuarsiortarlutillu. Containerilu immerlugu aallartereerparput.

- Naatsorsuutigaarput containeri ammassannik seks tonsinik immereerutsigu nunatsinni tunisassianik tuniniaavimmut Nuummiittumut nassiutissallugu, Karl Julius Broberg, Qeqertarsuup tunisassiorfiani tunisassiornermi sulisunillu aqutsisua oqarpoq.

- Imaassinnaavorli to tonsit angugutsigit nassiukkigut. Nunatsinni tunisassianik tuniniaavik Nuummiittoq utaqqimaaqqaassavarput suna kissaatigineraa. Tamassuma nunatsinni pisiniarfinnut assigiinngitsunut ammassaat tuniniaqqissavai.

- Ukioq kingulleq ammassaat 2.400 kiilut Nuummut nassiuppagut, Nuummiullu tamaasa nunguppaat. Taamaattumik paasivarput Nuummiut ammassaatigut mamarsaatigisaraat, illarpoq Karl Julius.

- Aamma ammassannik neqitassaliortarpugut, taakkulu ingammik Ilulissani, Qaanaami Qeqertamilu tunisassiorfitsinnut nassiuttarpagut, qaleralinniartut neqitassaattut. Ammassaat suli sapaatip akunneri marluk missaanni Qeqertarsuup eqqaaniissapput, ingerlaqqinnginnerminni, Emil Mølgaard, Qeqertarsuarmi tunisassiornermik ingerlatsisoq oqarpoq.

Ukioq manna tassaavoq ukiup aappassaa Royal Greenlandip Qeqertarsuarmi aalisartunik ammassannik tulaassuiffigineqarnera. Ammassaat qalunik tigummiartakkanik nalinginnaasumik pisarineqartarput.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image