Nipisat suaat mianersuullugit tunisassiarineqartussaapput, taamaattumik suliassaasimavoq paasiniassallugu qanoq suaat pitsaanerpaamik puuinut qeritinneqarsinnaanersut. Immerniarnerani alussaat puussiarlu tissalukaarutitalik misilinneqarsimapput. Cuxhavenimilli ikiortissimavugut, tassani kapisillit suaannik immiissuteqarsimapput – maskiina misilittarneqarpoq akuerineqarlunilu, tassalu Paamiunut nassiunneqarluni.

7. maj Paamiut nipisat suaat katillugit 10 tonsit tunisassiaralugit aallartippaat, 100 grammikkaarlugit 225 grammikkaarlugillu puulerlugit. Tunisassiorneq sivikitsuaraavoq, tunisassiornermilu sulisut tamarmik ikiuussimapput unittoqarani ingerlaannaqqullugu. Unamminartoqalaarsimavoq ingammik puuini ulluliinissamik ajornartuulaartoqarsimammat.

Paamiuni tunisassiorfimmi suleqatit tunisassiamut nutaamut assut soqutiginnillutik sulerusussuseqarsimapput, aamma tunisassiorfimmi pisariaqartumik allanngortitsinissamut pitsaasunik siunnersuuteqartarsimallutik, pitsaassusilerinermut ataqatigiissaarisoq Lars Hansen oqaluttuarpoq.

Tunisassiamut nutaamut avataanit tunisassianik niuernermik ingerlatallit arlallit soqutiginnilereersimapput. Paasisaqarnerorusukkuit attavissaavoq Gerd Bollmann.

Allattoq:Ulla Skibsted

Asseq

 
 

Royal Greenland aperiguk

i
Write the text from the image