Sulisut 14-it Qeqertarsuarmi tunisassiorfiup toqqorsiviullu eqqaani saliipput 12. juni 2014 nal. 13.00-16.00 akornanni.

- Suleqatigut qiimallutik saliipput, allaanerulaartumillu nuannersumik suleqatigiinneq misilipparput. Saliisut unillatsiarnermi sutugassinneqarput, Emil Mølgaard oqaluttuarpoq.

Ilulissanit tunisassiorfimmit sulisut qulit Saligaatsup saliisitsineranut marlunngorneq 17. juni 2014 peqataapput. Tunisassiorfiup holdit marluk immikkut tallimanik inuttallit saliiartortippai. Naak tunisassiorfik ulapaarfiugaluartoq tunisassiorfiup ingerlatsisua Hans Lars Olsen aamma tunisinermi aqutsisoq Jensigne Schmidt allallu sulisut arfineq-pingasut saliinermut peqataapput.

- Ikuallaaviup eqqaata-tungaani tunisassiorfiullu eqqaani saliivugut. Puussiarpassuit immerpagut, taamaattumik saliinissaq pisariaqangaatsiarsimavoq. Assut qiimalluta saliivugut, taamatullu allanik suliaqalaarneq nuannerpoq, Hans Lars Olsen oqarpoq. Ilulissani saliineq pivoq nal. 13.00-16.30 akornanni.

Saqqap tunitsivia 1990-ikkunnili aallartittumik nunaqarfiup saliititsineranut peqataasarpoq, tassungalu peqataasarnertik ingerlatiinnassavaat.

Qeqertap tunitsivia ukiut tamaasa tunisassiorfiup eqqaani aput aareeraangat saliisarput, ukioq mannalu taamaalioqqissapput.

Allattoq: bula@royalgreenland.com

  

Asseq

 
 

Royal Greenland aperiguk

i
Write the text from the image