Royal Greenlandip Attumi tunitsiviup illutaa iluarsartuussimavaa, aamma nillataartitsivilerlugu qerititsivilerlugulu, katillugit 700.000 – 800.000 koruunit nalinganik aningaasartuutitaqartumik.

- Ilimagaarput suanniarnerup taamaatinnginnerani tunitsivimmi aalisakkanik qerititsisinnaalernissatsinnik akuerineqarumaarluta. Aammattaaq naatsorsuutigaarput inuit qulit ulapiffimmi sulisorisinnaassallugit, pisiariaqartitsinerlu naapertorlugu amerlassusilinnik piffissap sinnerani sulisoqartarumaarluta.

- Erseqqissaatigineqassaaq Royal Greenlandip siunissami tunisassiassanik sorlernik tunitsivik tunissiffiusarumaarnersoq suli iluamik ilisimasaqarfiginngimmagu, taamaattumik ukiup sinnera ´misileraaffittut´ atorneqassaaq, siunissami allanik aalajangiisoqarnissaa pitinnagu, Møller Lyberth, nunaqarfinnut ingerlatsinermi ingerlatsisoq oqarpoq.

- Erneeraq Uppernanngitsoq Attumi tunitsivimmi aqutsisunngorpoq. Haccp (nakkutilliinermi sissuigassanik ajoquseriataarsinnaasunik misissueqqissaarineq), uumasut ajoqutaasut eqqiluisaarnerlu pillugit pikkorissartinneqareerpoq. Tamatuma saniatigut sulinermi ilitsersuutit ulluinnarnilu immersugassat pillugit ilitsersuunneqarsimalluni. Aammattaaq Royal Greenlandip pitsaassusilerinermi ataqatigiissaarisua peqatigalugu tunisassiorfiup illutaa tamaat misissorlugu eqqartuiffigisimavaat, taamaalilluni suliassaminut piginnaasaqarluarluni, Maria Berthelsen Winsløw, pitsaassusilerinermi ataqatigiissaarisoq oqarpoq.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image