Taamaalillutik Nuussuup Atuarfiani annertusisamik immikkut atuartinneqartartut 31-t aamma atuartut sivikitsumik immikkut ikorfartortariallit marluk-pingasut naluttarfimmut Malik-mut piffissami januar – april 2014-imi nalugiartarnissamut periarfissaqaleramik nuannaarput.

- Atuartuutigut meeraapput inequnartut, nuannareqaarpullu atuartissallugit. Ilinniarnissaminnik assigiinngitsutigut ajornartorsiuteqarput, ilaat autismeqarput, ADHD-qarlutik il.il. Pisariaqartitaat naapertorlugit atuartinniartarpagut. Nunarsuarmi meeqqat immikkut atuartinneqarnissaminnik pisariaqartitsisut amerliartorput, aamma Kalaallit Nunaanni. Nalugiartarneq assut akisuvoq, taamaattumik Royal Greenlandimit taperneqarnerput iluatsillugu sapaatip akunnerini qulingiluani nalugiarsinnaalerpugut, Aviak´ Henson, Nuussuup Atuarfiani immikkkut atuartitsinermik siunnersorti oqarpoq.

- Nalunneq atuartuutitsinnut pingaaruteqarpoq, taamaalillutik timertik maluginiutitillu tamaasa atorsinnaagamikkit. Inuttut atuarnerminnullu atatillugu ineriartuutigisinnaavaat, imminnut tatiginninnerannut aammalu atuartinneqarnerminni ilikkagaqarsinnaanerannut iluaqutaallunittaaq.

- Aningaasat sinneranik brætspilinik, aamma oqaatsinut, pinngortitalerineq assassornermullu atuartitsinitsinni atugassanik atortussatsinnik pisisimavugut. Brætspilit meeqqat ilikkagaqarnissaminnik ajornartorsiutillit sulinerminni eqqaamannissinnaanerat nukittorsartarpaat.

- Aningaasat aamma sinneqalaarput, naggataarnissatsinnut allanulluunniit atuartut pisariaqartitaannut atorsinnaavagut. ´Heldagsskolep´ Malimmi aamma naluffissaraluatik atuartuutitsinnut tunniunnikuuaat piffissami august-november 2013, aammalu 7. april aasap 2014-ip tungaanut.

- Atuartuutigullu Royal Greenlandimit taperneqarnerput assut nuannarutigaarput. Aammattaaq angajoqqaat arlallit nuannaarutiginninnertik tusartinnikuuaat, Aviak´ Henson nagggasiivoq.

Allattoq:bula@royalgreenland.com

Asseq

 
 

Royal Greenland aperiguk

i
Write the text from the image