Tassalu Royal Greenlandip tunisassiorfiani marluusuni arnanik ingerlatsisoqalerpoq. Taakku saniatigut arnarpaaluit sineriammi tunisassiorfinni ingerlatsivinnilu aqutsisuupput.

Kirsten Jensen, tunisassiorfimmi ingerlatsisunngorlaatut suut ukkatarissavigit?
- Nunaqarfiit piorsaavigineqarnerat nangillugu ingerlakkusuppara, aammalu siunissami Uummannami tunisassiorfiup piorsaavigineqarnissaa anguniassallugu. 

- Arnaanera pissutaalluni pitsaasumik eqqumaffigisinnaasakka allaanerungaartutut isiginngilakka angutsinut sanilliullugit, suliffimmi ataasiummat eqqumaffigisassallu tamarmik pingaarput arnaagaanni angutaaganniluuniit. Isumaqarpungali inuk nukittuujusariaqartoq, tassami taamatut inissisimassagaanni nukittuujusariaqarpoq oqarsinnaasuseqarluartuusariaqarlunilu.

Royal Greenlandip tunisassiorfimmi ingerlatsisutut arnaq siulleq atorfinitsitaa tassaavoq Vivi Høy Labansen, taanna Ilulissani 1992-imit 1993-imut tunisassiorfimmi ingerlatsisuuvoq. Qeqertarsuup Tunuani aalisarnermik ingerlatsinermi aaqqissuussaanikkut ataatsimuulersitsisoqarmat nunap ilaani ingerlatsisunngorpoq 1993-1996. Sisimiuni tunisassiorfimmi ingerlatsisutut atorfinippoq 2006-imi, sulilu ingerlatsisuulluni.

Royal Greenlandimi arnat aqutsisut takornartaanngillat, nuna tamakkerlugu tunisassiorfinni ingerlatsisut marluk pineqartut ilanngullugit, sineriammi tunitsivinni, pitsaassusilerinermi tunisassiornermilu arnanik aqutsisoqarmat katillugit 16-iusunik.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image