Inuussutissanik saqqummersitsinermi Royal Greenlandip pissuseqatigiiaat Atlantikup Avannaata imartaaneersut qitiutippai – matumani raajat aalisakkallu tukertitaanngitsut immikkut ittumik qitiutillugit. Tamannalu suliffeqarfiup iliuusissatut pilersaarutitaamini The North Atlantic Championinngornissaminut anguniagaqarneranut matumanilu suliffeqarfissuup Atlantikup Avannaata imartaaneersunik tunisassiortartut akornanni siuttunngornissaminut kissaateqarneranut naapertuulluinnarpoq. Atlantikullu Avannaata imartaaneersunik tunisassianik qitiutitsinini tunngavilersorniarlugu pisisartut makkuninnga sassaalliivigineqarlutillu isumassarsitinneqarput:

  • Raajat assammik qalipaajakkat kiisalu pulaartut mamarilluagaat saarullimmik suppaliaq
  • Aalisakkanit tukertitaanngitsunit sassaalliutigineqartut pillugit paasissutissanik saqqummiineq, matumani Royal Greenlandip tunisassiai nutaat qitiutillugit; aalisakkat nerpii 70 g missaanni oqimaassusillit kiisalu aalisakkat amillit
  • Raajanik issittup imartaaneersunik tunisassianik arlalinnik toqqagassaqarnera pillugu ilisimatitsissuteqarneq
  • Aalisakkanik nerisassiornissamut ilitsersuutinik imalik quppersagaaraq nutaaq aalisagartornerunissamut isumassarsisitsisinnaasoq

Tuniniaanermi pisortaq Anders Jensen oqaluttuarpoq, tunisassiat nutaat pillugit ilisimatitsissuteqartoqarnera pisisartunit iluarisimaarneqartoq:

- Aalisakkat nerpii aggukkanik tunisassiat nutaat ingammillu saarulliit, sejit aamma alaska pollackit nerpii aggukkat mikinerit 70 g-mit kantiinanit suliffeqarfissuillu igaffissuanniit pisiariumaneqarluartut maluginiarparput. Qalerallit aamma saarulliit nerpii amillit aggukkanik tunisassiat aamma pisiariumaneqarluarput, ingammik nerisassanik nammineq toqqakkanik inniminniiffiusinnaasuni neriniartarfinnit akunnittarfeeqqaniillu piumaneqarluarput. Taakkualu pisisartuupput nutaat tunisassiatsinnik allanik pisisartunngorileratarsinnaasavut.

Naggasiutigalugu Anders Jensenip oqaatigaa, inuussutissanik saqqummersitsinermi suliatigut angusat neriulluarnartut Royal Greenlandillu saqqummersitsinermi paasisaqarluarnini tunngavigalugu suliaminik nangitsilluni ingerlatitseqqiilereersoq.

Allattoq: Ulla Skibsted
Asseq: RG

Asseq

 
 

Royal Greenland aperiguk

i
Write the text from the image