Karl-Peter Kalaallit Nunaat sinnerlugu sisoraatinik oqilaniuttartoq USA cup-imi unamminerni peqataavoq. Nunarsuarmi sisorartartut kattuffiata FIS-ip akuerisaanut unamminerit FIS-race-t ilaapput, taamaattumik nunat kikkulluunniit peqataasinnaallutik. Unammineq naalagaaffimmi Vermontimi, Craftsbury Outdoor Centerimi ingerlanneqarpoq.

Oqilaniunneq prologimik taasagaat 4 km-isut isorartutigisoq qangatoorlugu unammisuni 45-ni nr. 23-tut inissippoq, ajugaasumit 57 sekundinik kigaannerulluni. Tassani 115 fispointinnappoq, aatsaat taamak pitsaatigisumik pointinnalluni. Aqaguani unammisuni 46-usuni nr. 18-itut inissippoq.

- Kvartfinalemi nr.5-iugama ingerlaqqinngitsoorpunga. Sukkaniunnermi siullerpaamik pitsaanerit 30-t akornanniippunga. Ulloq kingulleq 15 km-imut sukuutserluta unammivugut. Tassani ullut siuliini angusat katillugit (prolog+sukkaniunneq) aallararpugut malersuulluta, Karl Peter oqarpoq.

- Angusara naammagisimaarpallaanngilara ingerlalluarlunga misigisimagaluarlunga. Sisoraatikka ulloq taanna pitsaanerpaanngillat. Nr. 23-tut aallarama målimi 18-itut inissippunga, ajugaasumiit katinnerani 4 min 45 sekundinik kigaannerullunga.

- Unamminerit ataatsimut isigalugit angusara naammagisimaarpara, angalaneralu pissarsiaqarfigilluarlugu. Aatsaat siullermeerlunga kisimiillunga unammiartorpunga suna tamaat nammineq isumagalugu.

- Unamminerit tulliuttut peqataaffigisassakka Norgemi ingerlanneqassapput, naammassippatalu nunatsinnukassuunga GM-imut peqataajartorlunga. GM naammassippat sæson nutaaq majimi aallartittussaq qilanaarilereerpara aappaagumut sungiusarneq aallartissammat, Karl Peter, Aasiammiu Tromsøllu universitetiani ilinniartuusoq oqarpoq.

Karl-Peter Royal Greenlandimit timersornermini taperneqartarpoq.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image