Ukioq kingulleq Royal Greenland Irmalu nunatsinni tunisassasanik tunisassiorfimmit tunisaqartalernissaannik isumaqatigiissusiorput. COOP Danmark, IRMA taassuma ataaniilluni, Kalaallit Nunaannut angalanermini pisiniarfinni tunisassiat pineqartut takusimavaat.

- Irmap tuniniaasarnerminni pingaartitaraa tunisassiassat pitsaasut, ulluinnarni pisiniarfinni allani pisiarineqarsinnaanngitsut, tuniniartassallugit. Irmattaaq isumaqarsimavoq nunatsinni tunisassanik tunisassiat tuniniartakkaminnut tulluarluinnassasut. Oktober 2013-imiilli Irmap qaleralinnik eqalunnillu siatassat marloriarluni piffissani assigiinngitsuni piseqqusaarutinik ingerlatsivigisimavai. Tullissaanik piseqqusaarutinik ingerlatsisoqassaaq sapaatip akunnerini 16 aamma 18, 2014-imi, Line Nørgaard Madsen oqarpoq, kategori koordinator, Atlantikup Avannaata aalisagartai, Royal Greenland.

- Taamatut Irmap neqeroorutinut aviiseeraataani sapaatip akunnerini pineqartuni tunisassiaatigut piseqqusaarutigineqassapput. Saniatigullu tunisassiat taakku pillugit ussassaarutinik allanik sanasimavugut, tassa qanoq iganeqarsinnaanerannut ilitsersuutinik sanasimagatta pisiniarfinnilu tigoriaannanngortissimallugit. Aammattaaq Key account managererput pisiniarfinnut tamanut angalaarsimavoq tunisassiat ussassaarutigiartorlugit. Maannakkorpiaq Irmalu eqqartuiffigaarput aamma qeeqqanik suluppaakkanillu tunisassiat tunisalernissaat, Line Nørgaard Madsen naggasiivoq.

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image