Maniitsumi qalerallerineq aallartinneqarpoq, kisianni qalerallerinermut atortussat suli inissaannut inissinneqanngimmata qalerallerinermut piffissaq annertooq atorneqarallarpoq.

- Atortorissaarutitigut pitsaasumik suli aallartinnginnatta piffissamik atuinartumik qalerallerineq ingerlakkallarparput. Baader 176, tassa qaleralinnut tisanermut atortorissaarut suli atulinnginnatsigu maannakkut assaannarmik qaleralinnik tisaneq ingerlapparput, Pele Nathansen Maniitsup tunisassiorfiani ingerlatsisoq oqarpoq. Nangipporlu:

- Maannakkut sulisut nutaat saaneeraajaanermut qalerallerinermilu isumagisassanut allanut ilinniartinneqaleruttorput, tamannalu aamma piffissamik atuiffiulaarpoq.

Maniitsup tunisassiorfiani qalerallerinermi atortut sulisullu piffissaq sivisunngitsoq atorlugu inissinneqarumaartut neriuutigineqarpoq.

Allattoq: erre@royalgreenland.com

Asseq

 
 

Royal Greenland aperiguk

i
Write the text from the image