- Tuluit Tunaaniinninni atuarninni takunikuunngisaannakkannik misiginikuunngisaannakkannillu assigiinngitsorpassuarnik aqqusaagaqarpunga, Nivi Petersen oqarpoq.

Nivi Tuluit Nunaanni atuarfissaminut peqqaarami kiserlioqqaarsimagaluarpoq, atuartut nunaqqatigiiaarlutik eqimattakkaalermata kiserliulersimagaluarami. Atuarnerulli aallartilluareernerani kammattaartulersimavoq, tassanngaanniiillu Tuluit Nunaanni atuarnera nuannersiartulersimalluni.

- Oxfordi nuannerpoq kusanarlunilu, niuerniarfissarpassuit pisiniarfinnut nunatsinniittunut assersuunneqarsinnaanngitsut amerlaqaat. Illut sananeqarnerisa ilusaat alutornarlutillu kusarnarput, soorlu illutoqqat immikkuullarissut qangatullu sanaajusut, Nivi oqarpoq nangillunilu:

- Oxfordimiit Londonimut kammalaatikkalu busserluta nalunaaquttap akunnerup ataatsip missaani ingerlaatarpugut. Londoni nuanneqaaq illoqarfittaalu alianaaqaluni, kisianni tallimanngornikkut inunnik ulikkaavittarpoq.

Nivi Tuluit Nunaanniinnermini assigiinngitsorpassuarnik takusaqarpoq, ilaatigut siornatigut takusimanngisaannakkaminik, kisianni pingaarnertut oqaatigivaa imminut ilikkarsimalluni.

- Imminut ilikkarnera angalaninni pingaarnerpaajusutut oqaatigisinnaavara. Inuit imminnut paasinissaat imaluunniit ilikkarnissaat pingaarutilerujussuuvoq, taamaattumik isumaqarpunga angalalluni imminut ilikkarniarnissaq pitsaanerpaajusoq. Inuppassuit assigiinngitsut naapissavatit, naapittarnerinilu paasinarsisarpoq qanoq nammineq inuttut ittuunerluni, Nivi Petersen oqarpoq.

Royal Greenland Nivi Amalie Boutrup Petersenip ilinniariartorluni angalaneranut tapeeqataavoq.

Allattoq: erre@royalgreenland.com

Asseq

 
 

Royal Greenland aperiguk

i
Write the text from the image