Kaassannguaq Zeepip misissuinerminut atatillugu sisamanngorneq 27. november Brugsen Nuummi aammalu Pisiffik Nuummi immersugassanik agguaasoq naapinneqarsinnaassaaq. Misissuinermi peqataasut raajanik fem kilo-nik eqquinissamut periarfissaqassapput.

- Tunisassiat tuniniarneqartarneri atuisullu qanoq tuniniakkanik atuinerinik misissuineq Royal Greenlandip nunatsinni tunisassianik tuniniagaannik qanoq pisariaqartitsisoqarnersoq takutissavaa. Misissuineq uanga nammineq najuullunga immersugasssanik immersuisitsinikkut pissaaq, kisianni aamma qarasaasiakkut immersuisinnaaneq periarfissaassaaq, Kassaannguaq Zeeb oqaluttuarpoq.

Taamaattumik Kaassannguaq Zeeb sisiamanngorneq 27. november ullaakkut qulingiluaniit ataatsip tungaanut Brugsen Nuummi aammalu ataatsiniit sisamat tungaanut Pisiffik Nuummi naapinneqarsinnaassaq.

- Ilinniarninnut atatillugu Royal Greenlandip tuniniaanermut tunngasunik immikkoortortaqarfiani Svenstrupimiittumi misiliillunga sulininni misissuinissara isumassarsiaraara. Pingaartuusoraara Royal Greenlandip tunisassiaanik atuisut naliliinerat qanorlu atuinerat ilisimassallugu, Kaassannguaq Zeeb oqarpoq.

Kaassannguup misissuinini Niuernermi Ilinniarfimmi qaffasissumik ilinniakkaminik naammassinnilluni upernaakkut 2015-imi soraarummeerusiornissaminut atornorniarpaa.

- Imaasiinnaavoq misissuinerup inerneri siunissami Royal Greenlandip nunatsinni tunisassiaanik tuniniaanerup pitsanngorsaavigineqarneranik nassataqartoq, inuusuttoq piumassuseqarluartoq 28-inik ukiulik Kaassannguaq Zeeb oqarpoq

Nunatsinni sineriammi najuallit misissuinermi peqataarusuttut Royal Greenlandip qarsaasiakkut facebookikkut quppersagaani peqataasinnaapput qupppersagaq una aqqutigalugu: www.facebook.com/royalgreenlandgl

Kassaannguaq Zeebip Nuummi innuttaasut aammalu sineriammi najugallit misissuinermi peqataanissaannik kaammattorpai. Peqataasut raajanik fem kilo-nik eqquisinnaapput. Eqqugassaq makinneqassaaq sapaatip akunnerani 50-imi.

Allattoq :Inga Egede

Asseq

 
 

Royal Greenland aperiguk

i
Write the text from the image