Royal Greenlandip Aappilattumi tunisassiorfia tunisassiorsinnaanermut akuersissutitaarpoq, tamannalu kikkut tamarmik ikiuuffigisaannik kaffilliutigineqartunnguuvoq.

- Kiisami kikkut tamarmik utaqqisaat piviusunngorpoq. Meeqqat atuartut nunaqarfimmiullu piumassutsiminnik kaagiliorput, Kommune Kujalliup aallartitaa lagkagiliassarpassuarnik pisiortorpoq uangalu kaagiliassanik nassarlunga tikippunga, Niel Sakariassen Narsami tunisassiorfimmi ingerlatsisoq Aappilattumi tunisassiorfimmik ammaajartorsimasoq oqarpoq.

Tunisassiorfiup ammarneqarnissaa sivisujaamik erinigineqarsimavoq, taamaammallu ulloq qaammat nal. ataatsimiit sisamat tungaannut persuarsiutaasumik kaffilliutigineqarpoq, meeqqallu sodavandisortinneqarput.

Tunisassiorfik tulassuinissamut ammassaaq ataasinngorpat novembarip 17-iani ullaakkut arfineq pingasunut. Tunisassiorfillu tamatuma kingorna ataasinngornermiit tallimanngornermut ullaakkut arfineq pingasuniit ualikkut sisamat tungaannut ammasassaaq.

- Tulaassuisoqalernissaa neriulluarfigaarput. Aappilattumi aalisartut aalisarsinnaanermut aallagartallit qulit missaanniipput, kisianni aamma pujortuleeqqat Narsameersut, Qaqortumeersut Nanortalimmeersullu nunaqarfimmi tulaassuilernissaminnut qilanaarput, Niels Sakariassen oqarpoq.

Maannamuugallartoq saarulliit qalerallillu tunitsivimmut tulaassorneqarsinnaapput, kingusinnerusukkulli qeeqqat suluppaakkallu tulaassorneqarsinnaalissapput.

Allattoq: Káte Hansen, kaha@royalgreenland.com

Assit: RG

Asseq

 
 

Royal Greenland aperiguk

i
Write the text from the image