Karl Peter Kristensen 23-inik ukiulik Finlandimi ujakkaarluni VM-imut anngunniunnermi peqataaqqammertoq, anngunniunnermi 10 km-erlutik unammisuni 257-iusuni 189-inngorluni apuuppoq.

Ujakkaarnermi nunarsuaq tamakkerlugu unamminissaq Sverigimi pisussaq peqataaffiginiarlugu anngunniunnissaminut aasaq tamaat piareersarpoq.

Piareersarluarsimanini peqqutigalugu unammeqataanermini ukiunut siuliinut naleqqiullugu angusarissaarnerunini malugivaa. Karl Peter Kristensenip unamminissaanut Royal Greenlandi tapeeqataavoq.  

- Royal Greenlandi tapiimmat periarfissamik tunineqarpunga, atortussannik pisisinnaanngorpunga, tapersersorneqarneralu iluaqutigalugu angurissaarnerunissannut piumassuseqalerlunga. 2012-imi 2013-imilu unammisarninni aallartinnerlioqattaarnikuuvunga, kisianni ukioq manna ukiut siuliinut naleqqiullugu aallartilluarneroqaanga aamma pitsaanerulersimallunga malugivara, Karl Peter Kristensen oqarpoq.

Karl Peter ujakkaarluni unamminissami Santa Caterina di Valfurvami Italiamiittumi novembarip naanerani peqataassaaq, taassumalu kingorna Østrigimut unammiartussalluni.

Karl Peter Kristensen Aasianneersoq maannakkut Norgemi Tromsøp ilisimatusarfiani innovation og markedimi bachelorinngorniarluni ilinniartuuvoq. 

Allattoq: erre@royalgreenland.com 

          

Asseq

 
 

Royal Greenland aperiguk

i
Write the text from the image