Erngup aqqutaa ajoquteqarmat tunisassiorfimmi sulisut 14-it ullualunni ullup ilaanna sulissinnaasimapput taamatuttaaq aalisartut 17-it sapaatip akunneranik sivisussuseqartumik pisaminnik tunisisinnaanngimmata aalisakkat tunineqarsinnaasut 15 tons missaannik annertussuseqartut tunisassiarineqannginnamik aningaasatigut annaasaqaataapput.

- Erngup aqqutaata ajoquteqarneranik pissueqartumik sapaatip akunnnera ataaseq tunisassiorfimmut tunisisoqarsinnaanngimmat tunisassiorsinnaasimanngilagut, tunisassiorfimmi ingerlatsisoq Judithe Wille oqarpoq.

- Saarullinnik tarajorterisaratta ullup suliffiusup ilaa saarullinnik tarajortikkanik amooqqaalluta sulisarpugut, taamaattumik uagut tunisassiorfimmi sulisuusugut ullut suliffiusut pingasut afffarlu annaavagut, umiatsiaararsorlutilli aalisartut sapaatip akunnera tamaat tunisisinnaannginnamik taakku aningaasatigut annaasaqangaatsiarput.

Tunisassiorfiup ingerlatsisua oqarpoq erngup aqqutaata aaqinniarnera Nukissiorfiit sapaatip akunnera naallugu iluatsissimanngikkat.

- Ullut siulliit marluk imeqanngivippoq naallu sapaatip akunnarata ulluisa sinnerini ullaap tungaa imeq kuulaartaraluartoq tunisassiornissamut imeq atorneqarsinnaasoq naammanngimmat ullut marluk sulinngereerluta ullut pingasut soraajaartariaqartarpugut, Judithe Wille nassuiaavoq.

Judithe Wille neriuppoq erngup aqqutaa ajoqateqaqqissanngitsoq.

- Siorna erngup aqqutaata qerrunneranik pissuteqartumik ullut marluk tunisassiorneq unippoq, maannali sapaatip akunnnera tamaat tunisassiorsinnaasimannginnatta neriunnaraluarpoq ajornartorsiut aaqqivigineqassasoq.

- Imeqartinnagu aalisartut pisaminnik tunisisinnaangillat uagullu aalisakkat tunisassiorsinnaanata, tamannalu tamatsinnut aningaasatigut annasaqarfiusarmat neriuppunga imeqarniarnermut ajornartorsiuteqartarnerput aaqqiivigineqassasoq, Judithe Wille oqarpoq.

Allattoq : ineg@royalgreenland.com

Asseq: Juditeh Wille

Asseq

 
 

Royal Greenland aperiguk

i
Write the text from the image