Foreningen Grønlandske Børnip nuna tamakkerlugu katersuiniarnera KNR TV-p aqagu tallimanngornermi toqqaannartumik aallakaatinniarpaa. Royal Greenland 20.000 kr-nik tunissuteqarniarluni aalajangerpoq, peqatigiiffiup kalaallit meerartaannik ikiortarialinnik Kalaallit Nunaanni Danmarkimilu najugalinnut suliniuteqarnera tapersersorniarlugu.

Meeqqanik inuusuttunillu suliniuteqarneq Royal Greenlandimit pingaartinneqarluinnarpoq, taamaammallu Foreningen Grønlandske Børnip nuna tamakkerlugu suliniuteqarnera tapersersorusunneqarpoq.

Suleqatigut inuusuttut pikkorissut marluk, naatsorsuuserisoq Camilla Emanuel aamma assartugalerinermi ilinniartoq Taatsi Olsen aqagu unnukkut toqqaannartumik allakaatitsisoqarnerani checkerujussuarmik tunisisuuniarput.

Royal Greenlandip pisortaanera Mikael Thinghuus Foreningen Grønlandske Børnimi aallartitatut ilaasortaavoq.

Allattoq: Káte Hansen, kaha@royalgreenland.com

Asseq: John David Eriksen

Asseq

 
 

Royal Greenland aperiguk

i
Write the text from the image