Polar Seafood aamma Royal Greenland aalisakkerinermi unammilleqatigiinnissamut sakkortunerujartortumut ukiuni makkuni piareersarput; ilaatigut tunisassiat ilaatigullu nunarsuarmi aalisakkanik niuerfiit tungaasigut.

Suliffeqarfinnik angisuunik Upernavik Seafooditut aamma Polar Raajatut ittunik piginneqatigiinneq

siunissaq ungasinnerusoq eqqarsaatigalugu tulluartuusorineqanngilaq. Taamaammat ingerlatseqatigiiffiit suliffeqarfimmik ataasiinnarmik piginnittoqarnissaat qulakkeerumallugu Royal Greenland aamma Polar Seafood aktianik piginneqatiginnissutiminnik paarlaannissaminnut isumaqatigiipput.

Royal Greenland Polar Seafoodilu immikkut tamarmik Upernavik Seafoodimi 50 %-inik maannamut piginneqatiginnissuteqarput. Aktiaatiminnik paarlaatereernerisa kingorna Royal Greenland Upernavik Seafoodimik tamakkiisumik piginnittunngussaaq.

Suliffeqarfissuaq Polar Seafood Polar Raajami 57 %-inik maannamut piginneqatiginnissuteqarpoq Royal Greenlandilu 43%-inik piginneqatiginnissuteqarluni. Aktiaatiminnik paarlaatereernerisa kingorna Polar Seafood Polar Raajami tamakkiisumik piginnitunngussaaq.

Aktianik paarlaanneq ingerlatseqatigiiffinni pineqartuni ulluinnarni aqutsinermut sunniuteqarnavianngilaq. Flemming Andersenip Upernavik Seafoodimi pisortatut atorfini ingerlatiinnassavaa, Henrik Eriksenillu Polar Raajami pisortaanini aamma ingerlatiinnassallugu.

Aktianik paarlaanneq Polar Seafoodip Royal Greenlandillu immikkut aallussaasa tungaasigut aammalu nunarsuarmi niuernermik pitsanngorsaanissami ukkassinerulernissaat matumani taamaallaat aallaavigineqanngillat. Suliffeqarfissuit marluk pineqartut siunissami tunisassiarineqartussat tungaasigut Kalaallit Nunaanni ammasumik unammilleqatigiinneq tunngavigalugu ingerlatsisussanngorput. Tamatumunngalu atatillugu kiffaanngissuseqarnissaq, niuernikkut akisussaassuseqarluinnarnissaq eqaatsumillu aqutseriaaseqarnissaq pisariaqarpoq.

Royal Greenland Polar Seafoodilu nunarsuarmi aalisakkanik niuerfinni Kalaallit Nunaata imartaaneersunik tunisassianik pitsassuarnik niueruteqartarneq eqqarsaatigalugu nittarsaassisarnerup saqqummiussisarnerullu tungaasigut suleqatigiiginnassapput taamatuttaaq Kalaallit Nunaanni aalisarnikkut nungusaataangitsumik aqutsinerup patajaallisarneqarnissaanik ingerlatseqatigiiginnassapput.

Nuuk, septembarip 8-at 2014

Mikael ThinghuusHenrik Leth
Royal Greenlandimi pisortaaneq   
Polar Seafoodimi siulersuisuni siulittaasoq

Asseq

 
 

Royal Greenland aperiguk

i
Write the text from the image