Ilulissani Royal Greenlandip tunisassiorfiani ingerlatsisup sulisussaaleqineq ingalassimatinniarlugu sulisunik amerlanernik sulisoqarpoq.

- Tunisassiorfipput naammaginartumik ingerlassappat sulisut 72-it atorfissaqartittarpavut. Sulisulli 90-it tunisassiornermik ingerlataqarput. Taamaammat napparsimasoqartillugu tunisassiornerput sunnerneqarpallaarneq ajorpoq, Ilulissani tunisaassiorfimmi ingerlatsisoq Jensigne Schmidt oqarpoq.

Ilulissani Royal Greenlandip tunisassiorfia raajanik tunisassiorfiuvoq, qaleralinnillu Qasigiannguani tunisassiassanik tunitsiviulluni. Qaammatinilu kingullerni tunisassiorfimmi sulisut sulinerat aamma tunisassiorneq ingerlatsisup naammagisimaarpaa.

- Raajat ullormut 60-80 tonsit tunisassiarisarpavut aalisakkallu 5-6 tonsit missaat ullormut tunitsivimmut tunineqartarlutik. Taamaammat piffissaq kingulleq ingerlalluartutut nalilertariaqarpara, Jensigne Schmidt oqarpoq.

Allattoq: Nathan Kreutzmann, nakr@royalgreenalnd.com

Asseq: RG

Asseq

 
 

Royal Greenland aperiguk

i
Write the text from the image