- Tillinniarneq arfininngormat unnuakkut pivoq. Tillinniat kuupeeq aammalu kikiannut qiuutit atorlugit igalaaq aserorlugu isersimapput. Igalaap aserornerani atortut atorneqarsimasut qimaannarneqarsimammata tillinniartoqartillugu kalerrisarut aalllartimmat tillinniat tuaviorlutik qimaasimassasut ilimagivarput, Nunatsinni tunisassianik tuniniaavimmi ingerlatsisoq Malik Hegelund Olsen oqarpoq.

Tillinniat ilisimasaqarsimassapput

Malik Hegelund Olsenip ilimagaa tillinniat tunisassiat taakkorpiaat inimi tillinniarfiusimi inissisimasarneri ilisimasimagaat.

- Igalaaq aserorlugu inimi tilllinniarfigineqartumi qerititsiviit tunisassiat sulisut pisiassaannik imaqartut inissinneqarnikupput, tunisassialli nunitsinni tunisassiassat qerititsivissuarmi assiliiviit atorlugit nakkutigineqartumi inimi allamiillutik. Mattaat poortat arlaqartut maaniinnarmiitttut nassaarineqarmata aammalu tillinniat sakkugisimasatik qimaannarsimammatigik naatsorsuutigaarput tillinniat tuaviinnaq qimaasimanissaat, piffissammi sivisunngitsup iluani kalerrisaarut aallartimmat nakkutilliisut Matu Security-meersut takkummata tillinniat qimaasareersimapput, Malik Hegelund Olsen oqarpoq.

Pisoq politiinut suliassanngortinneqarpoq, kisiannili tunisassianik tuniniaaviup pisortaa paasissutissanik ujartuivoq.

- Naatsorsuutigaara inuit taamasiortut tassaasimassasut uagut tunisassianik sulisutsinnut tuniniagarisatta sumiinnerinik ilisimasaqartuusimassasut, aamma ilimagivarput mattaat tillinnissaannik siunertaqarsimassasut, anngiortumimmi tuniniakkatut mattaat akigissaartinneqarsinnaapput. Taamaattumik mattannik aqqusinermi tuniniarneqartunik inuit naammattuuissagaluarunik paasissutissanik ujartuiffigaavut, Malik Hegelund Olsen oqarpoq naggasiullugulu ila oqarluni:

- Qujanartumillu pisup nuannerpallaanngitsup paasinarsitippaa nakkutillinermi kalerrisaarutit pigisavut ajunngitsut, kisiannili igalaat aamma assersortariaqarivut.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image