31-inik ukiulik Lars L. Jørgensen maanna Royal Greenlandip kilisaataataani Akamalimmi aquttutut sulissaaq. Tassani ukiorpassuarni aalisartutut angalasimavoq meeqqat atuarfianni naammassinnissimasutut allagartani aammalu aqumiunngorniat ilinniarfianni Georg Stage-mi umiartorsimanini tunuliaqutaralugit. Taamaattumik maanna ilinniarsimasutut allagartaqalerluni siunissani qulakkeeramiuk nuannaqaaq.

- Maanna kilisaatini aquttutut kingornalu naalakkatut sulisinnaanngorama siunissara aarlerinarunnaarpoq, aamma aningaasatigut, Lars L. Jørgensen Royal Greenlandip kilisaataataani Akamalimmi aquttumit fiskeskipperitut ilinniarnissaminik kaammattorneqarsimanini nuannaarutigeqalugu periarfisinneqarnini atorlugu kilisaammi suleqatiminut qujassuteqarusuttoq oqarpoq.

- Qujamasuutigingaarpara kaammaatortarsimagassinga, aamma ilinniarninni tapersersortarsimagassinga qujarusuppunga, Lars L. Jørgensen oqarpoq.

Ajornanngilaq

- Oqiliallannaqaaq anguniarara angusinnaagakku, Lars L. Jørgensen tallimanngorneq aprilip ulluisa 17-ianni 1. gradimik fiskeskipperitut Imarsiornermi Ilinniarfimmi ilinniarsimanerminut uppernaarsaammik tunineqartoq oqarpoq.

Lars L. Jørgensenip 1. gradimik fiskeskipperitut ilinniarnissi sioqqullugu ukiup affaa siulleq kystskipperitut ilinniaqqaartoq atuaqatiminit angusarissaarnerpaajulluni agguaqatigiissillugu 9,9-imik karakterilerneqarpoq.

- Ukiorpassuit aalisartutut sulinikuulluni ilinniarluni unammillernarsimavoq, ingammik ilinniagassatigut unammillernarsimalluni, kisianni allat ilinnialernissaannik kaammattorsinnaavakka, ajornanngilarmi, Lars L. Jørgensen tulluusimaarlini oqarpoq.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image