- Amuarfiup hydralikkimik ingerlatillip Oilwind 07-14-ip atornissaanut pikkorissaaneq iluatsilluarpoq. Piniartut aalisartullu peqataasut atortorissaarutip nutaaliaasup qaleralinniarluni aalisarnermi oqalisaataasinnaasup atorneqarnissaanut ilitsersorneqarnerminni soqutiginnilluarput, aamma paasinarsivoq amoorut Qaanami sikumi qaleralinniarnermi atorneqarluarsinnaasoq, taama oqarpoq aalisarnermi siunnersorti Therkel Mathiassen.

Amuarfiup hydralikkimik ingerlatillip Oilwind 07-14-ip qanoq atorneqarsinnaaneranik pikkorssaanermi aprilip ulluisa 8-niit 15-ianut ingerlanneqarnerani Qaanaami aalisartut aammalu Royal Greenlandip ingerlatseqatigiiffiat Inughuit Seafood A/S –i , KNAPK aammalu Qaasuitsup Kommuneani Inuussutissarsiornermut Ataatsimiititaliaq aqqissuisuupput.

Soqutiginnipput peqataalluarpullu

- Qaanaami inuttussuseq aammalu aalisartoqassusia aallaavigalugu pikkorissartitsinermi peqataasut amerlassuisiat annertusutut nalilerpara. Aalisartut 20-it missingi ulluni pikkorissarfiusuni tamani peqataapput ullunili allani peqataasut 30-t missaaniittarput, taammaattumik soqutiginninneq annertuvoq.

- Amuarfiup Oilwinn 07-14-ip qanoq atorneqarsinnaaneranik teori atorlugu ilitsersuussilluni saqqummiussisoqarpoq kingornalu sikumi qaleralinniarnermi qanoq atorneqarsinnaaneranik ilitsersuussisoqarluni, Therkel Mathiassen nassuiaavoq.

Qaanaani piniarnermiit aalisarnermut ikaarsaarneq ingerlalluartutut Therkel Mathiassen-ip nalilerpaa.

- Pikkorissaasoqarnerani peqataasoqangaatsiarnera, innuttaasut soqutiginninnerat minnerunngitsumillu Qaanaami aalisartut pisaminnik tunisassiassanik peqqissaarussilluarnerat aallaavigalugu Qaanaami piniarnermiit aalisarnermut ikaarsaarneq ingerlalluartutut nalilerusuppara. Aalisartut annertunerpaamik pisaqarnissartik soqutigisaraat aammalu qaleralittatik pitsaassumik pitsaassuseqarnissaat anguniarlugu pisatik peqqissaarulluarlugit suliarineqarsimasut tunisassiorfimmut tunisarpaat. Tamannalu Qaanaami piniartuunermiit aalisartuunermut ikaarsaariarnerup ingerlalluarneranik ersersitsivoq ,Therkel Mathiassen naliliivoq.

Allattoq: Inga Egede, ineg@royalgreenland.com

Assit: Therkel Mathiassen.

Asseq

 
 

Royal Greenland aperiguk

i
Write the text from the image