Arnat inuusuttut marluk Saqqameersut Arnaq Jensen illooqqanilu Riikki Jensen, februaarip aallaqqaata aallarnerfigalugu marsip naanissaata tungaanut namminneq piumassusertik aallaavigalugu Cuzcomi meeqqat ulloq unnuarlu angerlarsimaffianni, sunngiffimmi ornittagaanni aammalu meeqqerivimmi meeqqat pissarissaarpallaanngitsut ornittagaanni sulinerat pillugu Royalgreenland.gl-imi oqaluttuarereernikuuagut.

Arnat inuusuttut misilittagaqarusuttut Saveaheart.dk aqqutigalugu Royal Greenlandillu tapiineratigut Cuzcomi piumassutsiminnik sulinissaminnut periarfissinneqarput.

Maannakkut Arnaq Jensen illooqqanilu Saqqamut utersimalerput, tassani Arnaq GU-mi naammassereerluni unitsiarnermini timelæreritut sulivoq.

- Cuzcomut tikeqqammerlunga salmonellamik tunillatsillunga ullut sisamat napparsimmavimmi uninngagaluarlunga, meeqqat sunngiffimmi ornittagaanni kingornalu meeqqerivimmi sulininni Cuzcomiinnera pissarsiaqaatigeqaara, taama oqarpoq Arnaq Jensen salmonellamik tunillatsinnerminik aniguilluarsimasoq.

- Perumiut ulluinnarni inuunerat paasisaqarfigaara, meeqqat ulluinnarni inuuneranni ilaalerama qanilaartumik atassuteqarfigilerpakka, tamatuma meeqqat qimannissaat artornarsisippaa. Kisianni suna tamarmi naggateqarpoq, nunamilu allarluinnarmi piumassutsinnik sulisinnaanera qujamasuutigeqaara, Arnaq Jensen oqarpoq.

Illoqarfik allaanerulluinnartoq

- Cuzcomut aallannginninni illoqarfimmi inuuneq ilisimasaqanngilanga, qaammatilli marluk Cuzcomeereerlunga paasivara inuunerat ilimagisanniik ajunnginnerujussuusoq, Arnaq oqarpoq nangillunilu:

- Inuilli akornanni piitsuussuseq aamma misigaara. Meeqqat ilaartornikunik atisallit qiulerlutik aqqusinermi inuuniarlutik assigiinngitsunik tuniniaasut naliginnaasuuvoq. Illoqarfiup Cuzcotut ittup, oqaluttuarisaanermut tunnganera pissutigalugu, takornariaqarfiusup pitsaanngitsortai piareersimaffigingaluarlugit isigalugit sakkortuvoq.

Sapaatip akunnerisa naanerini freeraangamik Arnaq Riikkilu takornarissat alutorisaannik Perumilu illoqarfinnik allanik takusaanissaminnik periarfissaqartarsimapput.

- Takornarissat alutorisaat assigiinngitsut takusarnissaannut periarfissaqarsimavugut, assersuutigalungu Machu Picchu, illoqarfik præ-colombianskiusoq, 2.057 meterinik qutsitsigisumiittoq takusarparput. Perumi illoqarfiit annersaasa tulliat Arequipa, Mollendo-mi sissaq, Puno-mi taseq Titicaca, Puerto Maldonado-mi Amazonas Ica-milu inoqajuitsoq Huacachina takusarpagut.

- Cuzcomi nammineq piumassutsimik sulineq misigisaavoq annertooq, periarfisseqqinneqarumalu suleqqissangaluarpunga, Arnaq Jensen Kalaallit Nunaannut angerlarnerminni illooqqanilu Riikki Jensen Londonimut påskesioriarsimavoq, ilaatigullu arsaattartut Arsenal Liverpoolillu unamminerannik isiginnaarsimalluni.

Allattoq: Inga Egede, ineg@royalgreenland.com

Assit: Arnaq Jensen

Arnat inuusuttut marluk Saqqameersut Arnaq Jensen illooqqanilu Riikki Jensen, februaarip aallaqqaata aallarnerfigalugu marsip naanissaata tungaanut namminneq piumassusertik aallaavigalugu Cuzcomi meeqqat ulloq unnuarlu angerlarsimaffianni, sunngiffimmi ornittagaanni aammalu meeqqerivimmi meeqqat pissarissaarpallaanngitsut ornittagaanni sulinerat pillugu Royalgreenland.gl-imi oqaluttuarereernikuuagut.

Arnat inuusuttut misilittagaqarusuttut Saveaheart.dk aqqutigalugu Royal Greenlandillu tapiineratigut Cuzcomi piumassutsiminnik sulinissaminnut periarfissinneqarput.

Maannakkut Arnaq Jensen illooqqanilu Saqqamut utersimalerput, tassani Arnaq GU-mi naammassereerluni unitsiarnermini timelæreritut sulivoq.

- Cuzcomut tikeqqammerlunga salmonellamik tunillatsillunga ullut sisamat napparsimmavimmi uninngagaluarlunga, meeqqat sunngiffimmi ornittagaanni kingornalu meeqqerivimmi sulininni Cuzcomiinnera pissarsiaqaatigeqaara, taama oqarpoq Arnaq Jensen salmonellamik tunillatsinnerminik aniguilluarsimasoq.

- Perumiut ulluinnarni inuunerat paasisaqarfigaara, meeqqat ulluinnarni inuuneranni ilaalerama qanilaartumik atassuteqarfigilerpakka, tamatuma meeqqat qimannissaat artornarsisippaa. Kisianni suna tamarmi naggateqarpoq, nunamilu allarluinnarmi piumassutsinnik sulisinnaanera qujamasuutigeqaara, Arnaq Jensen oqarpoq.

Illoqarfik allaanerulluinnartoq

- Cuzcomut aallannginninni illoqarfimmi inuuneq ilisimasaqanngilanga, qaammatilli marluk Cuzcomeereerlunga paasivara inuunerat ilimagisanniik ajunnginnerujussuusoq, Arnaq oqarpoq nangillunilu:

- Inuilli akornanni piitsuussuseq aamma misigaara. Meeqqat ilaartornikunik atisallit qiulerlutik aqqusinermi inuuniarlutik assigiinngitsunik tuniniaasut naliginnaasuuvoq. Illoqarfiup Cuzcotut ittup, oqaluttuarisaanermut tunnganera pissutigalugu, takornariaqarfiusup pitsaanngitsortai piareersimaffigingaluarlugit isigalugit sakkortuvoq.

Sapaatip akunnerisa naanerini freeraangamik Arnaq Riikkilu takornarissat alutorisaannik Perumilu illoqarfinnik allanik takusaanissaminnik periarfissaqartarsimapput.

- Takornarissat alutorisaat assigiinngitsut takusarnissaannut periarfissaqarsimavugut, assersuutigalungu Machu Picchu, illoqarfik præ-colombianskiusoq, 2.057 meterinik qutsitsigisumiittoq takusarparput. Perumi illoqarfiit annersaasa tulliat Arequipa, Mollendo-mi sissaq, Puno-mi taseq Titicaca, Puerto Maldonado-mi Amazonas Ica-milu inoqajuitsoq Huacachina takusarpagut.

- Cuzcomi nammineq piumassutsimik sulineq misigisaavoq annertooq, periarfisseqqinneqarumalu suleqqissangaluarpunga, Arnaq Jensen Kalaallit Nunaannut angerlarnerminni illooqqanilu Riikki Jensen Londonimut påskesioriarsimavoq, ilaatigullu arsaattartut Arsenal Liverpoolillu unamminerannik isiginnaarsimalluni.

Allattoq: Inga Egede, ineg@royalgreenland.com

Assit: Arnaq Jensen

Asseq

 
 

Royal Greenland aperiguk

i
Write the text from the image