Taakkumi avataani juullisiornerminni nalinginnaasumik akunnerit arfinilikkaarlugit paarlagaallutik sulisarput, taammaattorli Royal Greenlandip kilisaataataani tallimaasuni inuttat jullimi ukiortaamilu nerrilluartitallutillu poortugarsitinneqartarput.

Royal Greenlandip kilisaataataani tallimaasuni inuttat katillutik 129-iusut ukioq manna avataani juullisiussapput.

Kilisaat Qaqqatsiaq juullinngitsiarnerani Nuummi tulaqqanerani pulaarpugut. Kilisaammi igasoq oqarpoq kilisaammi sulisut juullikkunni nerisassanik mamartunik sassaallerfiginiarlugit.

-Aap, inuttat juullimi neriluartassapput aamma Royal Greenlandimiit aammalu Nuummi Sømandshjemmimiit tunissutisisussaavugut, Qaqqatsiami igasoq Kasper Nielsen oqarpoq.

Nerisarfik pinnersarsimasoq

Qaqqatsimilu inuttaaasut anguit 23-it, arnaq ataaseq aammalu nakkutilliisoq ataaseq juullikkunni nerilluataassapput.

- Juulliaqqami decemberip 24-iani qeerlutooq siataq rødkålilerlugu aammalu ris a la mande sodavandillu sassaalliutigissavakka. Ulloq taanna aamma nalinginnaasumik sulissagatta inuttat tamarmik ataatsikkut nereqatigiissanngillat, kisiannili pisarnertituut suleqatigiinnut marlunnut avillutik inuttat nerissapput. Arfinernut suleqatigiit siulliit nerissapput kingornalu nalunaaqutaq arfineq marluk qeqqa suleqatigiit aappai nerissallutik.

Juullimilu nereqatigiinneq nerisarfimmi juullimi pinnersaqqasumi aammalu juullip ulluisa tamaasa kaageeqqanik mamakujuttunillu sassaalliiffiusumi pissaaq.

- Saqisutta Helgap nerisarfitta juullimi pinnersaqqanissaa isumagissaqqaarmagu juullisoqatigiinneq nuannissaqaaq. Juulliaqqami nereqatigiinneq pereerpat tamatta juullimi poortugarsissaagut, igasoq ukiut pingajussaa avataani juullisiortussaq oqaluttuarpoq.

Decemberip 25 –iani Qaqqatsiami inuttat nerilluataaqqissapput savatussagamik selerilerlugu tomatimik miseqqialerlugu rosmarinilik aamma hvidløgilik.

- Ukiutoqqami inuttat umimmammik T- bonetussapput, taanna umimmak sisimiuni arnamit piniartumit Johanne Bech-imit pisiaavoq. Kingorna aamma kransekage sassaalliutigissavara, Kasper Nielsen oqarpoq.

Kilisaatini Qaqqatsimi, Nataarnami, Akamalimmi, Sisimiuni, Tuugaalimmi aammalu inuttat allat avataani juullisiortut Juullimi Pilluaqquvavut Ukiumullu Nutaamut iserluarnissaannik kissaappavut.

Allattoq: Inga Egede, ineg@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image