Royal Greenlandimi ilinniarlutit suliffimmik misiliininni ingerlassinnaasavit ilagaat innaallagisserisoq, biililerisoq aamma inuussutissalerisoq allarpassuillu. Ilinniagartuutut imarsiornermilluunniit ilinniagaqaruit suliffimmik misiliisinnaanissannut aamma periarfissaqarputit.

Nunatsinni suliffeqarfiit annersaanni suliffimmik misiliininni immami nunamiluunniit piginnaanngorsarsinnaavutit.

Inuussutissarsiutitigut ilinniagartuutulluunniit ilinniartut piginnaanngorsarniarlutik Royal Greenlandimi suliffimmik misiliinissaminnut periarfissaqarput. Suliffeqarfik 2014-15-imi 50-inik ilinniartuuteqarpoq.

Suliffimmik misiliilluni suliffiusinnaasut amerlapput, soorlu qullersaqarfimmi Nuummiittumi, suliffeqarfiup sinerissami tunisassiorfiini 37-usuni imaluunniit kilisaataatitsinni aalisariutaatitsinniluunniit.

Suliffimmik misiliineq pissanganartoq atorfiniffiusinnaasoq

Tsatso Efraimsen, Lars L. Jørgensen aamma Malik Skifte Royal Greenlandimi suliffimmik misiliipput ilinniarnertillu naammassigamikku atorfinillutik.

Fiskeriteknologi Tsatso Efraimsen:

- Avataani tunisassiortilluni ullut assigiinngisitaartuupput. Umiarsuarmi tunisassiorfimmi ingerlatsisuulluni tunisassiorfiup pitsaanerpaamik ingerlanissaa akisussaaffigisarpara.

Fiskeriteknologitut ilinniarneq pillugu ataani linki toorlugu paasisaqarnerusinnaavutit:

http://innovisio.ipapercms.dk/RoyalGreenland/Div/Uddannelsemappe/FiskeriteknologhftefinalGR/

Angallammi naalagaq Lars L. Jørgensen:

- Taamaattumik inuusuttut allat imarsiornermik suliaqartut aquttutut ilinniakkamik aallartitsinissaannik kaammattuinnarsinnaavakka. Aammami ilinniakkap naammassereernerani ingerlaqqittoqarsinnaammat.

Angallammi naalakkatut ilinniarneq pillugu ataani linki toorlugu paasisaqarnerusinnaavutit:

http://innovisio.ipapercms.dk/RoyalGreenland/Div/Uddannelsemappe/FiskeskipperhftefinalGR/

Mistali Malik Skifte:

- Mistalitut sulineq unammillernartunik pissanganartunillu misigisassaqarfiuvoq. Suliassat allanngorartuusarmata saniatigullu suliassat nakkutigisassaasarmata mistalitut sulinermi qarasaq assaallu atorluarsinnaasariaqarput.

Mistalitut ilinniarneq pillugu ataani linki toorlugu paasisaqarnerusinnaavutit:

http://innovisio.ipapercms.dk/RoyalGreenland/Div/Uddannelsemappe/MaskinmesterhftefinalGR/

Royal Greenlandimi ilinniarninni periarfissat pillugit paasisaqarnerusinnaavutit uani:

http://www.royalgreenland.gl/kl/Immikkoortortat/Sulisoqarnermut-imikkoortortaqarfik/Ilinniarneq

Imaluunniit Sulisoqarnermi immikkoortortamut allallutit uunga: hrgl@royalgreenland.com

Asseq

 
 

Royal Greenland aperiguk

i
Write the text from the image