KNAPK-p Royal Greenlandillu nipisat suaannut akit bonusisiassallu pillugit isumaqatigiissutaat naapertorlugu bonusisiassaq kiilumut 1 kr.-uvoq, kisianni nipisat suaat ukioq manna tunineqartut MSC-tut ilisarnaaqquserneqartussaanerat pissutigalugu bonusisiassat killumut 1 kr.-miit 2 kr.-mut qaffanneqarput.

Det Norske Veritasip Kalaallit Nunaata kitaata sineriaani nipisanniarnerup MSC-tut ilisarnaaqquserneqartalernissaanut akuersissuteqarnissaa ukiuni arlaqartuni utaqqineqareerluni 2015-imi aggustimi piviusunngorpoq.

Taamaattumik aalisartut 2015-imi nipisanniarfiusup ingerlanerani Royal Greenlandip tunitsiviinut nipisat suaannik tunisaqarsimasut kiilumut 2 kr.-mik bonusisiassaqartinneqassapput.

Ukioq manna nipisat suattassiissutigineqartut 75 procentii 2015-imi nipisanniarfiusup ingerlanerani tunineqarput. Taakkunani 725 tonsit Royal Greenlandip tunitsiviinut 15-inut tunineqarput.

Bonusisiassat 2015-imi decembarip 15-iani akilerneqassapput.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image